Аудио :: Аудио:: Джюз джарсыуум, джюз къайгъым…

Бек анасы джыламаз.
Мадар болса, къадар болур.
Берекет берсин деген джерде, берекет болур.
Иги джашны ышаны – аз сёлешиб, кёб тынгылар.
Босагъа таш юйге кирмей эди, тыбыр таш эшикге чыкъмай эди.
Кёрмегеннге кебек – танг, битмегеннге сакъал – танг.
Урунуу – насыбны анасы.
Аман къатын алгъан, арыр, иги къатын алгъан джарыр.
Ёлген аслан – сау чычхан.
Билим къая тешер.
Таугъа чыгъаллыкъ эсенг, тюзде къалма.
Келинин тута билмеген, къул этер, къызын тута билмеген, тул этер.
Джюз элде джюз ёгюзюм болгъандан эсе, джюз джууугъум болсун.
Баш болса, бёрк табылыр.
Тойчу джашха къарама, къойчу джашха къара.
Аманны тукъумуна къарама, игини тукъумун сорма.
Джангыз торгъай джырламаз.
Адеби болмагъан къыз – тузсуз хант.
Сабий болмагъан джерде, мёлек болмаз.
Юйюнгден чыкъдынг – кюнюнгден чыкъдынг.
Таула не мийик болсала да, аууш табылыр.
Зарда марда джокъ.
Бёрю да ач къалмасын, эчки да ашалмасын.
Окъ къызбайны джокълайды.
Кёб джашагъан – кёб билир.
Телини эшигин, махтау джабар.
Джангыз терек къынгыр ёсер.
Бюгюн дуния кибик, тамбла ахыратды.
Джаханимни кёрмей, джандетге кёл салмазса.
Уллу къашыкъ эрин джыртар.
Иги болса, тамадама – махтау, аман болса, меннге – айыб.
Телиге акъыл салгъандан эсе, ёлгеннге джан салырса.
Къумурсхала джыйылсала, пилни да джыгъадыла.
Джарлы тюеге минсе да, ит къабар.
Агъач халкъгъа алтынды, иссиликге салкъынды.
Чабакъгъа акъыл, табагъа тюшсе келеди.
Аллахдан тилесенг, кёб тиле.
Сангырау къулакъ эл бузар.
Тойну къарнашы – харс, джырны къарнашы – эжиу.
Билеги кючлю, бирни джыгъар, билими кючлю, мингни джыгъар.
Кюлме джашха – келир башха.
Эринчекге кюн узун.
Джырына кёре эжиую.
Ичимден чыкъды хата, къайры барайым сата?
Огъурлуну сёзю – суу, огъурсузну сёзю – уу.
Къулакъдан эсе, кёзге ышан.
Кёл ашады да, кеси ашады.
Аман къатын сабий табса, бий болур…
Эки къатын алгъанны къулагъы тынгнгаймаз.
Кёб джат да, бек чаб.

Логин:	Регистрация

Пароль:	Забыли пароль?

Запомнить меня

Аудио

Джюз джарсыуум, джюз къайгъым…

Скачать

Адрес