Расширенный поиск
10 Мая 2024 года
Логин: Регистрация
Пароль: Забыли пароль?
Навигация
Словарь
  • Уллу атлама – абынырса, уллу къабма – къарылырса.
  • Ёлген ийнек сютлю болур.
  • Биреуге аманлыкъ этиб, кесинге игилик табмазса.
  • Ётген ёмюр – акъгъан суу.
  • Керти сёзге тёре джокъ.
  • Джашлыкъ этмеген, башлыкъ этмез.
  • Къуру гыбыт бек дыгъырдар.
  • Тыш элде солтан болгъандан эсе, кесинги элде олтан болгъан игиди!
  • Ашатыргъа иш – ашхы, ишлетирге аш – ашхы.
  • Тели турса – той бузар.
  • Бети – къучакълар, джюреги – бычакълар.
  • Тамырсыз терекге таянма – джыгъылырса.
  • Къыз чыгъаргъан – къызыл къымжа.
  • Аман къатын алгъан, арыр, иги къатын алгъан джарыр.
  • Ашда – бёрю, ишде – ёлю.
  • Аманны къуугъан, аманлыкъ табар.
  • Ёксюзню къалачы уллу кёрюнюр.
  • Рысхы – сют юсюнде кёмюк кибикди.
  • Арба аугъандан сора, джол кёргюзтюучю кёб болур.
  • Намысы джокъну – дуниясы джокъ.
  • Хунаны тюбюн къазсанг, юсюнге ауар.
  • Ашына кёре табагъы, балына кёре къалагъы.
  • Нарт сёз – тилни бети.
  • Чабар ат – джетген къыз.
  • Ишленмеклик адамлыкъды.
  • Борчунг бар эсе, хурджунунга ойлаб узал.
  • Биреуню эскиси биреуге джангы болмайды.
  • Тойчу джашха къарама, къойчу джашха къара.
  • Эки элинги тыйсанг, джети элде махталырса.
  • Тин – байлыгъынг, терен саулугъунг.
  • Ач да бол, токъ да бол – намысынга бек бол.
  • Адам къаллай бир ишленмесе, аллай бир кесин уллу кёреди.
  • Дженгил джетерикме деб, узун джолну къоюб, къысхасын барма.
  • Ата Джуртуму башы болмасам да, босагъасында ташы болайым.
  • Ушамагъан – джукъмаз.
  • Эртде тургъан бла эртде юйленнген сокъуранмаз.
  • Джашны джигитлиги сорулур, къызны джигерлиги сорулур.
  • Сабийликде юретмесенг, уллу болса – тюзелмез.
  • Ёзденликни кёбю ётюрюк.
  • Аш берме да, къаш бер.
  • Къуллукъчума, деб махтанма, къуллукъ – хаух джамчыды!
  • Суу ичген шауданынга тюкюрме.
  • Кёб ант этген, кёб ётюрюк айтыр.
  • Сакъ юйюне сау барыр.
  • Тойгъа алгъа да барма, тойда артха да къалма.
  • Тынгылагъан тынгы бузар.
  • Ашхы атаны – джашы ашхы, ашхы ананы – къызы ашхы.
  • Аууздан келген, къолдан келсе, ким да патчах болур эди.
  • Сёз – кюмюш, джыр – алтын.
  • Айтхан сёзюне табылгъан.

Аудио

Байчоров А

Файлов: 6

Обновлен: 06.02.2012

  • Байчоров А. - Заманында къайыталмасам
(Нет голосов)

Описание

Дата: 06.02.2012
Прослушиваний: 1702
Скачиваний: 146
Размер: 5.06 МБ
Текст песни: Музыка Азрета Байчорова, стихи Разбия Батдыева. 

Заманыма къайталмасам джолумдан, 
- Нек келмеди? - деб таш салма къыйналыб, 
Сен ашыра, къаты къысыб къолумдан, 
- Сакъларыкъма, - деген эдинг ышаныб. 

Айла, джылла озуб кетиб арадан, 
Мен а къайталмайын къалсам да санга, 
Ол заманда да, чыгъыб арбазынгдан, 
Ачма джюрек джарсыуунгу бир джанга. 

Барды сенден мени энтда тилерим: 
Ийнанма, ол келлик тюлдю деб, эштсенг, 
Амандыла деб къыйналма тюшлерим; 
Аман да игиди, игиге элтсенг. 

Чыртда чыдаб болалмасанг тансыкъдан, 
Чакъыр мени, эштирикмид деме да. 
Эшитерме мен тилегинги узакъдан, 
Къобандан ургъан джелге тюберме да. 

Сора келиб кече сени аллынга, 
Тансыгъынгы тансыгъыма къошарма, 
Сюймекликни сакълай билген джанынга, 
Къууанч бере, мен кечени бошарма. 

Комментариев нет

  • Зарегистрируйтесь чтобы пользоваться плейлистом.