Песен: 6 Создан:
06.05.2015 Обновлен:
06.05.2015
| 27 Апреля | 2024 года |
Навигация
- Бетинги сатма, малынгы сат.
- Баш – акъыл ючюн, акъылман – халкъ ючюн.
- Элде адам къалмаса, ит тахтагъа минер.
- Тойгъан антын унутур.
- Кёл – къызбай, къол – батыр.
- Ашхы – джыяр, аман – джояр.
- Ашда уялгъан – мухар, ишде уялгъан – хомух.
- Юйлю уругъа ит чабмаз.
- Ханнга да келеди хариблик.
- Ат да турмайды бир териде.
- Уллу къазанда бишген эт, чий къалмаз.
- Тёрдеги кюлсе, эшикдеги ышарыр.
- Ариу сёз – къылычдан джити.
- Кёбден умут этиб, аздан къуру къалма.
- Тойчу джашха къарама, къойчу джашха къара.
- Игилик игилик бла сингдирилиучю затды.
- Кёзден кетген, кёлден да кетеди.
- Чомартны къолу берекет.
- Хазыр ашха – терен къашыкъ.
- Тёрени джагъы джокъ.
- Ачлыкъ отха секиртир.
- Къар – келтирди, суу – элтди.
- Эл ауузу – элек, анга ийнаннган – халек.
- Джети тилни билген джети кишиди.
- Тойгъан джерге джети къайт.
- Аман адамны тепсинге олтуртсанг, къызынгы тилер.
- Кесинг сынамагъан затны, адамгъа буюрма.
- Таш ата билмеген, башына урур.
- Ойнай билмеген, оюн бузар.
- Аякъларынгы джууургъанынга кёре узат.
- Байлыкъ тауусулур, билим тауусулмаз.
- Дуния аламаты сен эсенг да, игиме деб айтма.
- Къоркъакъны кёзю экили кёрюр.
- Тиширыусуз юй – отсуз от джагъа.
- Айырылмаз джууугъунга, унутмаз сёзню айтма.
- Аман къатын сабий табса, бий болур…
- Чомарт къолда мал къалмаз.
- Къан бла кирген, джан бла чыгъар.
- Келгинчи, къонакъ уялыр, келгенден сора, къонакъбай уялыр.
- Халкъны юйю – туугъан джери.
- Рысхысына кёре, джаш ёсер, къышлыгъына кёре, мал ёсер.
- Зарда марда джокъ.
- Этни да ашады, бетни да ашады.
- Кёкдеги болмаса, джердегин кёрмейди.
- Ишин билген, аны сыйын чыгъарады.
- Узун джолну барсанг, бюгюн келирсе, къысха джолну барсанг, тамбла келирсе.
- Бети къызарыучу адамны, джюреги харам болмаз.
- Ёлген аслан – сау чычхан.
- Ариуну – ауруу кёб.
- Таугъа чыгъаллыкъ эсенг, тюзде къалма.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
