Расширенный поиск
5 Мая 2024 года
Логин: Регистрация
Пароль: Забыли пароль?
Навигация
Словарь
  • Джуртун къоругъан озар.
  • Кёб джашагъан – кёб билир.
  • Джарашыу сюйген – джалынчакъ.
  • Кёб къычыргъандан – къоркъма, тынч олтургъандан – къоркъ.
  • Кёлю джокъну – джолу джокъ.
  • Кёбге таш атма.
  • Билимли ёлмез, билимсиз кёрмез.
  • Тик ёргени, тик энгишгеси да болады.
  • Атынг аманнга чыкъгъандан эсе, джанынг тамагъынгдан чыкъсын.
  • Къарнынг тойгъунчу аша да, белинг талгъынчы ишле.
  • Элни кючю – эмеген.
  • Кёбден умут этиб, аздан къуру къалма.
  • Шапа кёб болса, аш татымсыз болур.
  • Сакъ юйюне сау барыр.
  • Кеси юйюмде мен да ханма.
  • Байлыкъдан саулукъ ашхыды.
  • Ёксюзню тилеги къабыл болур.
  • Къонакъ аман болса, къонакъбай джунчур
  • Иги адамны бир сёзю эки болмаз.
  • Юреннген ауруу къалмаз.
  • Ач бёрюге мекям джокъ.
  • Кёлсюзден сёзсюз тууар.
  • Биреуню къыйынлыгъы бла кесинге джол ишлеме.
  • Ашхы адам – халкъ байлыгъы, ашхы джер – джашау байлыгъы.
  • Ана кёлю – балада, бала кёлю – талада.
  • Татлы тилде – сёз ариу, чемер къолда – иш ариу.
  • Ата – билек, ана – джюрек!
  • Айран ичген – къутулду, джугъусун джалагъан – тутулду.
  • Ёнгкюч къууана барыр, джылай келир.
  • Ётюрюк хапар аякъ тюбю бла джюрюйдю.
  • Джарлы тюеге минсе да, ит къабар.
  • Эл тойса, тоймагъан, эл къойса, къоймагъан.
  • Булут кёкге джарашыу, уят бетге джарашыу.
  • Тилсиз миллет джокъ болур.
  • Кюлме джашха – келир башха.
  • Тил – кесген бычакъ, сёз – атылгъан окъ.
  • Байлыкъ тауусулур, билим тауусулмаз.
  • Эркиши – от, тиширыу – суу.
  • Къонагъы джокъну – шоху джокъ.
  • Джумушакъ сёз къаты таякъны сындырыр.
  • Илму – джашауну джолу.
  • Тюзню ётмеги тюзде къалса да, тас болмаз.
  • Чомартны къолун джокълукъ байлар.
  • Къайгъыны сюйген, къайгъы табар.
  • Уллу айтханны этмеген – уллаймаз.
  • Кёбню кёрген – кёб билир.
  • Тойгъан джерден туугъан джер игиди.
  • Элде адам къалмаса, ит тахтагъа минер.
  • Кесине гебен этелмеген, биреуге черен эте эди.
  • Ёлмесенг да, къарт дамы болмазса?

Аудио

Узденов Альберт

Файлов: 48

Обновлен: 06.07.2017

  • Узденов Альберт Къарачайны къобаны
(Голосов: 6, Рейтинг: 4.5)

Описание

Дата: 12.09.2012
Прослушиваний: 5203
Скачиваний: 883
Размер: 6.36 МБ
Текст песни:
сл. и муз. Узденова Альберта

Ёзенлени, кенг тюзлени
Суусабларын къандыргъан,
Минги Тауну джюрегини
Къан тамырыса, Къобан.

Къарачайны Къобаны,
Минги Тауну кёк къаны,
Алгъышлары къартланы,
Таркъайма минг джылланы!

Джайда-боза, къачда - таза,
Къыш болса уа - мияла.
Джаз башында кемсиз аза,
Къулакъ суудан уяла,

Сени суунг - мени къаным,
Ёхтемлигинг кёлюмде.
Сабыр болгъанлыкъгъа ангым,
Дженгиллигинг халимде.

Энди халкъым термилмесин
Сенден уртлам уртларгъа!
Ачлыкъ джетиб кюсемесин
Ташларынгы джаларгъа!

Сынамазча халкъым къуулукъ,
Ёмюрде да болма сай!
Этиб турсанг халал къуллукъ,
Разы турур Къарачай!

Комментариев нет

  • Зарегистрируйтесь чтобы пользоваться плейлистом.