Расширенный поиск
17 Мая 2024 года
Логин: Регистрация
Пароль: Забыли пароль?
Навигация
Словарь
  • Аман киши кеси юйюнде – къонакъ.
  • Кютгени беш эчки, сызгъыргъаны уа, джерни джарады.
  • Иги сёз – джаннга азыкъ, аман сёз башха – къазыкъ.
  • Юйюнгден чыкъдынг – кюнюнгден чыкъдынг.
  • Хар сёзню орну барды.
  • Тил бла келеди джыр да.
  • Сагъыш – къартлыкъгъа сюйюмчю.
  • Нёгерсизни джолу узун.
  • Тамырсыз терекге таянма – джыгъылырса.
  • Таукел къуру къалмаз.
  • Тюз сёз баргъан сууну тыяр.
  • Халкъны юйю – туугъан джери.
  • Чакъырылмагъан къонакъ къачан кетерин сормаз.
  • Кийимни бичсенг, кенг бич, тар этген къыйын тюлдю.
  • Кечеси – аяз, кюню – къыш, джарлы къаргъагъа бир аш тюш!
  • Къартха ушагъан джаш – акъыллы, джашха ушагъан къарт – тели.
  • Адеб базарда сатылмаз.
  • Ётюрюкчюню шагъаты – къатында.
  • Ишни аллы бла къууанма да, арты бла къууан.
  • Артына баргъанны, къатына барма.
  • Аллахха ийнаннган кишини, Аллах онгдурур ишин.
  • Телини эшигин, махтау джабар.
  • Ишге юренсин къоллары, халкъ бла болсун джоллары.
  • Орундукъ тюбюнде атылсам да, орта джиликме, де да айлан.
  • Иги – алгъыш этер, аман – къаргъыш этер.
  • Садакъачыны джаны – къапчыгъында.
  • Аман адам этегингден тутса, кес да къач.
  • Рысхы – насыбха къор.
  • Тойгъа барсанг, тоюб бар, эски тонунгу къоюб бар.
  • Шапа кёб болса, аш татымсыз болур.
  • Окъугъан озар, окъумагъан тозар.
  • Джаш болсун, къыз болсун, акъылы, саны тюз болсун.
  • Уллу сёлешме да, уллу къаб.
  • Тик ёргени, тик энгишгеси да болады.
  • Къыз келсе, джумуш эте келеди, къатын келсе, ушакъ эте келеди.
  • Къумурсхала джыйылсала, пилни да джыгъадыла.
  • Ач уят къоймаз.
  • Таякъ этден ётер, тил сюекден ётер.
  • Чакъырылмагъан къонакъ тёрге атламаз.
  • Насыб бютеу халкъны юлюшюдю.
  • Ач къарынны, токъ билмез
  • Тамбла алтындан бюгюн багъыр ашхы.
  • Айныгъанлы алты кюн, тогъайгъанлы тогъуз кюн.
  • Ана къойну – балагъа джандет.
  • Тюзлюк шохлукъну бегитир.
  • Эл бла кёргенинг эрелей.
  • Джыгъылгъанны сырты джерден тоймаз.
  • Къарнынг тойгъунчу аша да, белинг талгъынчы ишле.
  • Джашны джигитлиги сорулур, къызны джигерлиги сорулур.
  • «Ма», - дегенни билмесенг, «бер», - дегенни билмезсе.

Аудио

Узденов Сапар

Файлов: 22

Обновлен: 06.07.2017

  • Узденов Сапар Къарт атамы джери
(Голосов: 3, Рейтинг: 5)

Описание

Дата: 10.11.2012
Прослушиваний: 1456
Скачиваний: 307
Размер: 5.57 МБ
Текст песни:
муз. и сл. Сапара Узденова

Къарт атамы атасыны
Белляуун эшитирге Хурзукгъа
Мен келгенме, ма къарайма
Сейирсиниб сейир джуртуна.

Тауланы башлары,
Хурзукну къартлары
Бир кёб затны салалла эсге.
Сылайма бетими,
Къысама кесими
Къарт атамы ёсдюрген джерге.

Миийк кёкге тиреу болуб
Агъаралла къыблада таула.
Къобан суу да келед кём-кёк,
Хыралдаб, баргъан кибик джаугъа.

Кетгенле заманла.
Ёлгенле адамла.
Биягъынлай а турад Хурзук.
Кюнню джарыгъы да,
Айны джарыгъы да
Этмейди бу нарт джуртха джутлукъ.

Тау ёзенде, бек мийикде,
Орналыбды аккамы эли.
Аман кюнле узакъдалла,
Кёрюнмейди насыбны чеги.

Халкъымы джазыуу,
Аккамы белляуу –
Бары да тууралла джюрекге.
Къууанчлы болсам да,
Бетими джабсам да,
Джыламукъ келеди кёзлеге. 

Комментариев нет

  • Зарегистрируйтесь чтобы пользоваться плейлистом.