Расширенный поиск
2 Мая 2024 года
Логин: Регистрация
Пароль: Забыли пароль?
Навигация
Словарь
  • Акъыллы башны – тили къысха.
  • Аджашханны ызындагъы кёреди, джангылгъанны джанындагъы биледи.
  • Уллу айтханны этмеген – уллаймаз.
  • Адеби болмагъан къыз – тузсуз хант.
  • Къобан да къуру да къобханлай турмайды, адам да къуру да патчахлай турмайды.
  • Джарашыу сюйген – джалынчакъ.
  • Аз айтсам, кёб ангылагъыз.
  • Ёгюзню мюйюзюнден тутадыла, адамны сёзюнден тутадыла.
  • Киштикге къанат битсе, чыпчыкъ къалмаз эди.
  • Джарлы эскисин джамаса, къууаныр.
  • Хазыр ашха – терен къашыкъ.
  • Джылыгъа джылан илешир.
  • Элде адам къалмаса, ит тахтагъа минер.
  • Босагъагъа джууукъ орун болса, ашыгъыб тёрге озма.
  • Билим ат болуб да чабар, къуш болуб да учар.
  • Тойчу джашха къарама, къойчу джашха къара.
  • Кюл тюбюндеги от кёрюнмейди.
  • Уллу атлама – абынырса, уллу къабма – къарылырса.
  • Чомарт джарлы болмаз.
  • Аууз сакълагъан – джан сакълар.
  • Аз сёлеш, кёб ишле.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Атадан ёксюз – бир ёксюз, анадан ёксюз – эки ёксюз.
  • Джуртун къоругъан озар.
  • Билими азны – ауузунда кирит.
  • Тойгъан джерден туугъан джер игиди.
  • Тёгюлген тюгел джыйылмайды.
  • Татлы сёз – балдан татлы.
  • Адам сёзге тынгыла, акъыл сёзню ангыла.
  • Ёлюк кебинсиз къалмаз.
  • Джети тилни билген джети кишиди.
  • Къызбайны юйюне дери сюрсенг, батыр болур.
  • Эм ашхы къайын ана мамукъ бла башынгы тешер.
  • Сормай – алма, чакъырылмай – барма.
  • Хар адамгъа кеси миннген тау кибик.
  • Бичгенде ашыкъма, тикгенде ашыкъ.
  • Джолда аягъынга сакъ бол, ушакъда тилинге сакъ бол.
  • Джарлы джети элни сёзюн этер.
  • Кёпюр салгъан кеси ётер, уру къазгъан кеси кетер.
  • Кёбню кёрген – кёб билир.
  • Чалманны аллы къалай башланса, арты да алай барады.
  • Чарсда алчыны эл кёреди.
  • Хар сёзню орну барды.
  • Игиге айтсанг – билир, аманнга айтсанг – кюлюр.
  • Аман киши кеси юйюнде – къонакъ.
  • Аманнга алтын чыдамаз.
  • Къонакъ хазыр болгъанлыкъгъа, къонакъбай хазыр тюлдю.
  • Айранын берсенг, челегин да къызгъанма.
  • Ишлегенде эринме, ишде чолакъ кёрюнме.
  • Кёзню ачылгъаны – иги, ауузну джабылгъаны – иги.

Аудио

Токов Мурат

Файлов: 20

Обновлен: 06.07.2017

  • Токов Мурат Сени атынгы айтама
(Голосов: 6, Рейтинг: 5)

Описание

Дата: 25.06.2013
Прослушиваний: 2477
Скачиваний: 1666
Размер: 7.7 МБ
Текст песни:
музыка Аминат Шидаковой
стихи Кайсына Кулиева

Къууанч сагъатымда
Не мыдах болгъанда,
Атынгы айта турама,
Мийик булутлагъа,
Джарыкъ джулдузлагъа
Сени хапарынгы сорама.

Припев:
Къамагъа джазылгъан,
Джылтыраб тургъан
Джазыугъа ушайды атынг,
Андан ариу джокъча,
Тюрленмей турлукъча
Кёрюндю манга сыфатынг.

Припев.

Джолда кетиб бара,
Акъ таулагъа къараб,
Мен санга джырла этеме,
Къарлы къаяладан,
Чынгыл башларындан,
Атынгы айта, ётеме.

Припев.

Чолпан джулдуз – атынг,
Джарыкъ кюн – сыфатынг,
Мени джолуму джарытхан,
Сен – шаудан сууумса,
Сен – джазгъы тангымса,
Тауланы джарыта атхан.

Припев.

Джыр джылы кюйдюрген,
Джырчыгъа сюйдюрген,
Сен - ариуланы бирисе.
Джарлы назмучуну,
Ол джарлы джырчыны
Сен - джарыкъ тийген кюнюсе.

Припев.

Комментариев нет

  • Зарегистрируйтесь чтобы пользоваться плейлистом.