Расширенный поиск
19 Мая 2024 года
Логин: Регистрация
Пароль: Забыли пароль?
Навигация
Словарь
  • Айтханы чапыракъдан ётмеген.
  • Къарт болгъан джерде, берекет болур, сабий болгъан джерде, оюн болур.
  • Тик ёргени, тик энгишгеси да болады.
  • Азыкълы ат арымаз, къатыны аман джарымаз.
  • Къыз чыгъаргъан – къызыл къымжа.
  • Кёл – къызбай, къол – батыр.
  • Тёрдеги кюлсе, эшикдеги ышарыр.
  • Биреуге аманлыкъны тилеме да, кесинге ашхылыкъны тиле.
  • Адам сёзге тынгыла, акъыл сёзню ангыла.
  • Эллинг бла джау болсанг да, юйюнг бла джау болма.
  • Аджашханны ызындагъы кёреди, джангылгъанны джанындагъы биледи.
  • Биреуню эскиси биреуге джангы болмайды.
  • Келгинчи, къонакъ уялыр, келгенден сора, къонакъбай уялыр.
  • Джумушакъ сёз къаты таякъны сындырыр.
  • Тау башында, тау болмаз, джангыз терек, бау болмаз.
  • Этек чакъмакълары баш джаргъан, сёлешген сёзлери таш джаргъан.
  • Хар адамгъа кеси миннген тау кибик.
  • Юре билмеген ит, къонакъ келтирир.
  • Байлыкъдан саулукъ ашхыды.
  • Алтыннга тот къонмаз.
  • Къалгъан ишге къар джауар.
  • Аджал соруб келмез, келсе, къайтыб кетмез.
  • Хантына кёре тузу, юйюне кёре къызы.
  • Ёлмесенг да, къарт дамы болмазса?
  • Мен да «сен», дейме, сен да «кесим», дейсе.
  • Олтуруб кёрюнмей эди да, ёрге туруб кёрюне эди.
  • Иесиз малны бёрю ашар.
  • Аз сёлешген, къайгъысыз турур.
  • Кийимни бичсенг, кенг бич, тар этген къыйын тюлдю.
  • Джюрек кёзден алгъа кёрюр.
  • Ким бла джюрюсенг, аны кёзю бла кёрюнюрсе.
  • Элде адам къалмаса, ит тахтагъа минер.
  • Иши джокъну, сыйы джокъ.
  • Адамны бетине къарама, адетине къара.
  • Джукъу тёшек сайламайды.
  • Мал тутхан – май джалар.
  • Ачны эсинде – аш.
  • Таукел къуру къалмаз.
  • Дуния малгъа сатылма, кесингден телиге къатылма.
  • Къарыусузгъа кюлме, онгсузгъа тийме.
  • Юй кюйдю да, кюйюз чыкъды, ортасындан тюйюш чыкъды.
  • Хар сёзню орну барды.
  • Дууулдаса – бал чибин, къонса – къара чибин.
  • Ханнга да келеди хариблик.
  • Джолунга кёре – джюрюшюнг, джагъанга кёре – юлюшюнг.
  • Билгенни къолу къарны джандырыр.
  • Аурууну келиую тынч, кетиую – къыйын.
  • Тюзлюк шохлукъну бегитир.
  • Дуния мал дунияда къалады.
  • Сормай – алма, чакъырылмай – барма.

Аудио

Токов Мурат

Файлов: 20

Обновлен: 06.07.2017

  • Токов Мурат Къарда атынгы джазама
(Голосов: 3, Рейтинг: 3.67)

Описание

Дата: 19.12.2013
Прослушиваний: 2920
Скачиваний: 233
Размер: 7.53 МБ
Текст песни:
Мен бек сюйген акъ байрам да,
Сен бек сюйген акъ байрам да -
Джангы джыл энди джетеди.
Узакъда болсам да кесим,
Тансыкълыкъ кючлеген эсим
Сени бла ушакъ этеди.

Кёк да акъды, джер да акъды,
Къар суукъду джумушакъды,
Къарда атынгы джазама.
Суукъ болса бармакъ учум,
Атынгы джазгъаны ючюн,
Эринлериме салама.

Джашау деген сюймекликди,
Джолу тюздю, бирде тикди, -
Сени сюйгенли билгенме!
Билдим джюрегими кючюн,
Сени бек сюйгени ючюн,
Аны да артыкъ сюйгенме.

Комментариев нет

  • Зарегистрируйтесь чтобы пользоваться плейлистом.