Расширенный поиск
18 Мая 2024 года
Логин: Регистрация
Пароль: Забыли пароль?
Навигация
Словарь
  • Таугъа чыгъаллыкъ эсенг, тюзде къалма.
  • Зар адам ашынгы ашар, кесинги сатар.
  • Акъыл бла адеб эгизледиле.
  • Ёлген эшек бёрюден къоркъмайды.
  • Узун джолну барсанг, бюгюн келирсе, къысха джолну барсанг, тамбла келирсе.
  • Окъдан джара эртде-кеч болса да бителир, сёз джара, ёмюрге къалыр.
  • Ашын ашагъанынгы, башын да сыйла.
  • Орундукъ тюбюнде атылсам да, орта джиликме, де да айлан.
  • Рысхысына кёре, джаш ёсер, къышлыгъына кёре, мал ёсер.
  • Къар – келтирди, суу – элтди.
  • Билим насыб берир, билим джолну керир.
  • Джылар джаш, атасыны сакъалы бла ойнар.
  • Кийимни бир кюнню аясанг, минг кюннге джарар.
  • Джыланны къуйругъундан басарынг келсе, аны башы болгъанын унутма.
  • Къозулугъунда тоймагъан, къойлугъунда тоймаз.
  • Нарт сёз къарт болмаз.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Кютгени беш эчки, сызгъыргъаны уа, джерни джарады.
  • Ачыкъ джюрекге джол – ачыкъ.
  • Джыйырма къойну юч джыйырма эбзе кюте эди.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Арпа, будай – ащды, алтын, кюмюш а – ташды.
  • Башда акъыл болмаса, эки аякъгъа кюч джетер.
  • Бастасын ашагъан, хантусун да ичер.
  • Керти сёзге тёре джокъ.
  • Эл тойса, тоймагъан, эл къойса, къоймагъан.
  • Джылкъыдан – ат чыгъар, тукъумдан – джаш чыгъар.
  • Джюрек кёзден алгъа кёрюр.
  • Джангыз торгъай джырламаз.
  • Бир онгсуз адам адет чыгъарды, деб эштирик тюлсе.
  • Джыгъылгъанны сырты джерден тоймаз.
  • Аманнга алтын чыдамаз.
  • Харам къарнашдан, халал тенг ашхы.
  • Къонакъ кёб келюучю юйню, къазаны отдан тюшмез.
  • Олтуруб кёрюнмей эди да, ёрге туруб кёрюне эди.
  • Сакъ юйюне сау барыр.
  • Адамгъа аман кюн соруб келмейди.
  • Накъырданы арты керти болур.
  • Ариу сёз аурууунгу алыр.
  • Аман адамны тепсинге олтуртсанг, къызынгы тилер.
  • Чомартха хар кюн да байрамды.
  • Кёл ашады да, кеси ашады.
  • Акъыл неден да кючлюдю.
  • Джумушакъ сёз къаты таякъны сындырыр.
  • Суугъа – чабакъ, къаягъа – ыргъакъ.
  • Айырылмаз джууугъунга, унутмаз сёзню айтма.
  • Чакъырылмагъан къонакъ къачан кетерин сормаз.
  • Нафысынгы айтханын этме, намысынгы айтханын эт.
  • Мадар болса, къадар болур.
  • Ауругъан – джашаудан умутчу.

Аудио

Жаникаев Эльдар

Файлов: 13

Обновлен: 10.07.2017

  • Жаникаев Эльдар Барама
(Голосов: 3, Рейтинг: 4.33)

Описание

Дата: 11.10.2014
Прослушиваний: 2012
Скачиваний: 146
Размер: 8.56 МБ
Текст песни:
Муз. и сл. Эльдара Жаникаева.

Джашау джолумда таукел барама,
Барама.
Джолуму тюзюне бек ийнанама.
Ийнанама,
Толурла муратларым,
Юзюлмей умутларым.
Барама, барама, насыбха ийнана, барама, барама.

Припев:
Умутум сау – джашау сууумаз,
Барама, барама.
Эшитилед узакъдан бир ауаз:
"Бар алгъа! Бар алгъа!"
Джырым къанат къагъыб учар,
Умутуму джулдузун ачар.

Умут джанны джангыз къанатыды,
Отуду.
Къыйын кюнде онгсузну къарыууду,
Онгуду.
Къадардан бир тилегим:
"Къойма умутсуз мени!"
Барама, барама, насыбха ийнана, барама, барама.

Припев.

Комментариев нет

  • Зарегистрируйтесь чтобы пользоваться плейлистом.