adaniyal / Альбомы пользователей / adaniyal
| 27 Апреля | 2024 года |
Навигация
- Кёл – къызбай, къол – батыр.
- Къатын байлыкъны сюер, эр саулукъну сюер.
- Орну джокъну – сыйы джокъ.
- Шайтан алдады, тюзлюк къаргъады.
- Халкъны джырын джырласанг, халкъ санга эжиу этер.
- Юй кюйдю да, кюйюз чыкъды, ортасындан тюйюш чыкъды.
- Кюн кёрмеген, кюн кёрсе, кюндюз чыракъ джандырыр.
- Джарлы тюеге минсе да, ит къабар.
- Чомартны къолун джокълукъ байлар.
- Сакъ юйюне сау барыр.
- Хар сёзню орну барды.
- Аман къатын алгъан, арыр, иги къатын алгъан джарыр.
- Къазанда болса, чолпугъа чыгъар.
- Битмегеннге сакъал – танг.
- Таякъ этден ётер, тил сюекден ётер.
- Алгъанда – джууукъ, бергенде – джау.
- Сакъалы текени да бар, мыйыгъы киштикни да бар.
- Ётюрюкчюню шагъаты – къатында.
- Джыланны къуйругъундан басарынг келсе, аны башы болгъанын унутма.
- Атынг аманнга чыкъгъандан эсе, джанынг тамагъынгдан чыкъсын.
- Джарлыны тону джаз битер.
- Къарнынг къанлынга кийирир.
- Ётген ёмюр – акъгъан суу.
- Рысхы – сют юсюнде кёмюк кибикди.
- Дууулдаса – бал чибин, къонса – къара чибин.
- Ашхы сёз таш тешер.
- Сабий кёргенин унутмаз.
- Ашатыргъа иш – ашхы, ишлетирге аш – ашхы.
- Эринчекге кюн узун.
- Къошда джокъгъа – юлюш джокъ.
- Чакъырылмагъан къонакъ – орунсуз.
- Огъурлуну сёзю – суу, огъурсузну сёзю – уу.
- Келгинчи, къонакъ уялыр, келгенден сора, къонакъбай уялыр.
- Иги джашны ышаны – аз сёлешиб, кёб тынгылар.
- Ат да турмайды бир териде.
- Мал ёлсе, сюек къалыр, адам ёлсе, иши къалыр.
- Хансыз джомакъ болмаз.
- Ач – эснер, ат – кишнер.
- Ашха уста, юйюнде болсун
- Къарт бла баш аша, джаш бла аякъ аша.
- Юйлю уругъа ит чабмаз.
- Кёбден умут этиб, аздан къуру къалма.
- Сагъыш – къартлыкъгъа сюйюмчю.
- Акъыллы эркиши атын махтар, акъылсыз эркиши къатынын махтар.
- Ашлыкъны арба юйге келтирир, чана базаргъа элтир.
- Адамны джюреги нени кёрюрге сюйсе, кёзю да аны кёрюрге ёч болады.
- Эр абынмай, эл танымаз.
- Байны къызы баймакъ болса да, юйде къалмаз!
- Эринчекни эр алмаз, эр алса да, кёл салмаз, кёл салса да, кёб бармаз!
- Тойгъан джерден туугъан джер игиди.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
