Аудио :: Аудио:: Лезгинки / Lezginkala

Байлыкъ адамны сокъур этер.
Чомартха Тейри да борчлуду.
Джашда акъыл джокъ, къартда къарыу джокъ.
Джогъун бар этген, барын бал этген.
Мен да «сен», дейме, сен да «кесим», дейсе.
Сёз – кюмюш, джыр – алтын.
Аууздан келген, къолдан келсе, ким да патчах болур эди.
Уллу атлама – абынырса, уллу къабма – къарылырса.
Билимден уллу байлыкъ джокъду.
Тил – кесген бычакъ, сёз – атылгъан окъ.
Кёзюнде тереги болгъан, чёбю болгъаннга кюле эди.
Къан бла кирген, джан бла чыгъар.
Онгсузну – джакъла, тенгликни – сакъла.
Сагъышы джокъ – джукъучу, акъылы джокъ – къаугъачы.
Эки къатын алгъанны къулагъы тынгнгаймаз.
Ким бла джюрюсенг, аны кёзю бла кёрюнюрсе.
Ётюрюкчюню шагъаты – къатында.
Чомартха хар кюн да байрамды.
Мал тутхан – май джалар.
Тойгъан джерден туугъан джер игиди.
Кюл тюбюндеги от кёрюнмейди.
Билими азны – ауузунда кирит.
Таукел адам тау тешер.
Этни да ашады, бетни да ашады.
Джюз элде джюз ёгюзюм болгъандан эсе, джюз джууугъум болсун.
Ач отунчуну ачыуу – бурнунда.
Оюмсуз атлагъан, аджалсыз ёлюр.
Хатерли къул болур.
Тулпарлыкъ, билекден тюл – джюрекден.
Кёлю джокъну – джолу джокъ.
Ауругъан – джашаудан умутчу.
Ойнай-ойнай кёз чыгъар.
Ойнаб айтсанг да, эслеб айт.
Бозаны арты дауур болур.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Кёб джат да, бек чаб.
Накъырда – кертини келечиси.
Минг тенг да азды, бир джау да кёбдю.
Къайгъыны сюйген, къайгъы табар.
Термилгенинги табмазса, кюлгенинге тюберсе.
Дуния малгъа сатылма, кесингден телиге къатылма.
Илму – джашауну джолу.
Джарлы эскисин джамаса, къууаныр.
Къонакъ хазыр болгъанлыкъгъа, къонакъбай хазыр тюлдю.
Къонакъ кёб келюучю юйню, къазаны отдан тюшмез.
Къартны сыйын кёрмеген, къартлыгъында сыйлы болмаз.
Шайтан алдады, тюзлюк къаргъады.
Чомарт бергенин айтмаз.
Дуния аламаты сен эсенг да, игиме деб айтма.
Хазыр ашха – терен къашыкъ.

Логин:	Регистрация

Пароль:	Забыли пароль?

Запомнить меня

Аудио

Лезгинки / Lezginkala

Скачать

Адрес