Аудио :: Аудио:: Радиопередачи / Radyoberiule

Тил – кесген бычакъ, сёз – атылгъан окъ.
Джарлы тюеге минсе да, ит къабар.
Чоюнну башы ачыкъ болса, итге уят керекди.
Джюрекге ариу – кёзге да ариу.
Байма, деб да, къууанма, джарлыма, деб да, джылама.
Тилде сюек болмаса да, сюек сындырыр.
«Ма», - дегенни билмесенг, «бер», - дегенни билмезсе.
Тойгъан антын унутур.
Тилчиден кери бол.
Эшекни не къадар тюйсенг да, ат болмаз.
Юре билмеген ит, къонакъ келтирир.
Аджал соруб келмез, келсе, къайтыб кетмез.
Иги адам абынса да, джангылмаз.
Артына баргъанны, къатына барма.
Къызын тута билмеген, тул этер, джашын тута билмеген, къул этер.
Атлыны ашхысы, ат тизгининден билинир
Аман адам этегингден тутса, кес да къач.
Джашынгы кесинг юретмесенг, джашау юретир.
Намысы джокъну – дуниясы джокъ.
Тойгъа алгъа да барма, тойда артха да къалма.
Ишлерге уял да, ашаргъа табма.
Къар – келтирди, суу – элтди.
Эри аманны, къатыны – аман.
Къанны къан бла джуума, аманны аман бла къуума.
Хата – гитчеден.
Баш – акъыл ючюн, акъылман – халкъ ючюн.
Ёксюзню къалачы уллу кёрюнюр.
Бети къызарыучу адамны, джюреги харам болмаз.
Къолунгдан къуймакъ ашатсанг да, атаны борчундан къутулмазса.
Хазыр ашха – терен къашыкъ.
Айранны сюйген, ийнек тутар.
Джеринден айырылгъан – джети джылар, джуртундан айырылгъан – ёлгюнчю джылар.
Тулпарлыкъ, билекден тюл – джюрекден.
Киштикге къанат битсе, чыпчыкъ къалмаз эди.
Акъыл неден да кючлюдю.
Джарлы джети элни сёзюн этер.
Джашлыкъ этмеген, башлыкъ этмез.
Итли къонакъ джарашмаз.
Мал кёб болса, джууукъ кёб болур.
Сёз – кюмюш, джыр – алтын.
Тин – байлыгъынг, терен саулугъунг.
Аллахдан тилесенг, кёб тиле.
Къарны аманнга къазан такъдырма, къолу аманнга от джакъдырма.
Иши джокъну, сыйы джокъ.
Ётюрюкню къуйругъу – бир тутум.
Эринчекге кюн узун.
Адамны аты башхача, акъылы да башхады.
Биреуге аманлыкъны тилеме да, кесинге ашхылыкъны тиле.
Ауругъанны сау билмез, ач къарынны токъ билмез.
Аууз сакълагъан – джан сакълар.

Логин:	Регистрация

Пароль:	Забыли пароль?

Запомнить меня

Аудио

Радиопередачи / Radyoberiule

Скачать

Адрес