Расширенный поиск
20 Мая 2024 года
Логин: Регистрация
Пароль: Забыли пароль?
Навигация
Словарь
  • Ёзденликни кёбю ётюрюк.
  • Игилик игилик бла сингдирилиучю затды.
  • Ашхы атаны – джашы ашхы, ашхы ананы – къызы ашхы.
  • Таякъ этден ётер, тил сюекден ётер.
  • Джерни букъусу кёкге къонмаз.
  • Кийимни бир кюнню аясанг, минг кюннге джарар.
  • Харам къарнашдан, халал тенг ашхы.
  • Кюлме джашха – келир башха.
  • Уясында не кёрсе, учханында аны этер.
  • Мал ёлсе, сюек къалыр, адам ёлсе, иши къалыр.
  • Юреннген ауруу къалмаз.
  • Баш болса, бёрк табылыр.
  • Ачыкъ джюрекге джол – ачыкъ.
  • Ашхы тенг джолгъа салыр, аман тенг джолдан тайдырыр.
  • Аш кетер да бет къалыр.
  • Къонагъы джокъну – шоху джокъ.
  • Чомартны къолу берекет.
  • От кюйдюрген, сау болса да, тот кюйдюрген, сау болмаз.
  • Керек ташны ауурлугъу джокъ.
  • Акъыл бла адеб эгизледиле.
  • Тил – кесген бычакъ, сёз – атылгъан окъ.
  • Атлыны ашхысы, ат тизгининден билинир
  • Эли джокъну – кёлю джокъ.
  • Сакъалы текени да бар, мыйыгъы киштикни да бар.
  • Олтуруб кёрюнмей эди да, ёрге туруб кёрюне эди.
  • Экиндини кеч къылсанг, чабыб джетер ашхам.
  • Керилген да, ургъан кибикди.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Аууз сакълагъан – джан сакълар.
  • Джыйырма къойну юч джыйырма эбзе кюте эди.
  • Ёлмесенг да, къарт дамы болмазса?
  • Чоюнну башы ачыкъ болса, итге уят керекди.
  • Гитче джилтин уллу элни джандырыр.
  • Хунаны тюбюн къазсанг, юсюнге ауар.
  • Суу да къайтады чыкъгъан джерине.
  • Азыгъы аз, алгъа къабар, аты аман, алгъа чабар.
  • Къуру гыбыт бек дыгъырдар.
  • Тилсиз миллет джокъ болур.
  • Окъ къызбайны джокълайды.
  • Джюрек кёзден алгъа кёрюр.
  • Гугук кесини атын айтыб къычыргъанча, мен, мен деб нек тураса?
  • Чомартха Тейри да борчлуду.
  • Аман къатын алгъан, арыр, иги къатын алгъан джарыр.
  • Билмейме деген – бир сёз
  • Байма, деб да, къууанма, джарлыма, деб да, джылама.
  • Онгсузну – джакъла, тенгликни – сакъла.
  • Кёкдеги болмаса, джердегин кёрмейди.
  • Бюгюн дуния кибик, тамбла ахыратды.
  • Билим ат болуб да чабар, къуш болуб да учар.
  • Юре билмеген ит, къонакъ келтирир.

Фотографии

+ Создать галерею
Альбомы Эльбрусоида / Творчество

Расул Ахматов

Фотографий - 23