Расширенный поиск
2 Июня 2024 года
Логин: Регистрация
Пароль: Забыли пароль?
Навигация
Словарь
  • Аш хазыр болса, иш харам болур.
  • Иши джокъну, сыйы джокъ.
  • Намыс болмагъан джерде, насыб болмаз.
  • Айтылгъан сёз ызына къайтмаз.
  • Чёбню кёлтюрсенг, тюбюнден сёз чыгъар.
  • Эл бла кёргенинг эрелей.
  • Аманны къуугъан, аманлыкъ табар.
  • Хата – гитчеден.
  • Къонакъ кёб келюучю юйню, къазаны отдан тюшмез.
  • Ариу сёз аурууунгу алыр.
  • Джукъу тёшек сайламайды.
  • Сууда джау джокъ, кёб сёзде магъана джокъ.
  • Ёзденликни джайгъан – джокълукъ.
  • Къонакъ хазыр болгъанлыкъгъа, къонакъбай хазыр тюлдю.
  • Алтыннга тот къонмаз.
  • Къарны аманнга къазан такъдырма, къолу аманнга от джакъдырма.
  • Ашхы болсанг, атынг чыгъар, аман болсанг, джанынг чыгъар.
  • Рысхы – насыбха къор.
  • Бойнуму джети джерден кессенг да, мен ол ишни этеллик тюлме.
  • Ашын ашагъанынгы, башын да сыйла.
  • Кёкдеги болмаса, джердегин кёрмейди.
  • Бюгюн дуния кибик, тамбла ахыратды.
  • Булут кёкге джарашыу, уят бетге джарашыу.
  • Харам къарнашдан, халал тенг ашхы.
  • Ана – юйню кюн джарыгъы.
  • Окъугъанны бети джарыкъ.
  • Къая джолда джортма, ачыкъ сёзден къоркъма.
  • Эшекни не къадар тюйсенг да, ат болмаз.
  • Аман къатын алгъан, арыр, иги къатын алгъан джарыр.
  • Босагъагъа джууукъ орун болса, ашыгъыб тёрге озма.
  • Айтхан – тынч, этген – къыйын.
  • Тик ёргени, тик энгишгеси да болады.
  • Эм ашхы къайын ана мамукъ бла башынгы тешер.
  • Тилчиден кери бол.
  • Сёлеш деб шай берген, тохта деб, сом берген.
  • Азыкъ аз болса, эртде орун сал.
  • Эрине къаргъыш этген къатын, эрнин къабар.
  • Ариу сёз – джаннга азыкъ, аман сёз – башха къазыкъ.
  • Къарын къуру болса, джюрек уру болур.
  • Хар сёзню орну барды.
  • Гитче джилтин уллу элни джандырыр.
  • Нафысынгы айтханын этме, намысынгы айтханын эт.
  • Огъурлуну сёзю – суу, огъурсузну сёзю – уу.
  • Акъыл бла адеб эгизледиле.
  • Бозаны арты дауур болур.
  • Къонакъны къачан кетерин сорма, къачан келлигин сор.
  • Ётюрюкню къуйругъу – бир тутум.
  • Къонакъ аз олтурур, кёб сынар.
  • Ханы къызы буюгъа-буюгъа киштик болду.
  • Тюзлюк тас болмайды.

Фотографии

+ Создать галерею
Альбомы Эльбрусоида / Праздники

Эльбрусоиду 9 лет! Москва, 2012

21.05.2012

Фотографий - 152