Расширенный поиск
30 Марта 2025 года
Логин: Регистрация
Пароль: Забыли пароль?
Навигация
Словарь
  • Эри аманны, къатыны – аман.
  • Урунуу – насыбны анасы.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Къарын къуру болса, джюрек уру болур.
  • Айранны сюйген, ийнек тутар.
  • Къулакъдан эсе, кёзге ышан.
  • Тёрени джагъы джокъ.
  • Ашарыкъда сайлагъаннга – чий гырджын.
  • Джюрек кёзден алгъа кёрюр.
  • Артына баргъанны, къатына барма.
  • Урама да – ёледи, сатама да – келеди.
  • Кёзден кетген, кёлден да кетеди.
  • Керилген да, ургъан кибикди.
  • Тойгъа алгъа да барма, тойда артха да къалма.
  • Тёзгеннге, джабылгъан эшик ачылыр.
  • Адеб джокъда, намыс джокъ.
  • Ариу сёз – къылычдан джити.
  • Бир онгсуз адам адет чыгъарды, деб эштирик тюлсе.
  • Къошда джокъгъа – юлюш джокъ.
  • Азыкъ аз болса, эртде орун сал.
  • Эл бла кёргенинг эрелей.
  • Ишленмеклик адамлыкъды.
  • Уллу атлама – абынырса, уллу къабма – къарылырса.
  • Ачылгъан эт джабылыр, кёрген кёз унутмаз.
  • Окъугъанны бети джарыкъ.
  • «Ма», - дегенни билмесенг, «бер», - дегенни билмезсе.
  • Насыб бютеу халкъны юлюшюдю.
  • Кирсизни – саны таза, халалны – къаны таза.
  • Кюлме джашха – келир башха.
  • Кеси юйюмде мен да ханма.
  • Таукел къуру къалмаз.
  • Чакъырылгъанны аты, чакъырылмагъанны багъасы болур.
  • Юйюнгден чыкъдынг – кюнюнгден чыкъдынг.
  • Биреуге аманлыкъны тилеме да, кесинге ашхылыкъны тиле.
  • Кёкдеги болмаса, джердегин кёрмейди.
  • Къобан да къуру да къобханлай турмайды, адам да къуру да патчахлай турмайды.
  • Тойну къарнашы – харс, джырны къарнашы – эжиу.
  • Чыбыкълыкъда бюгюлмеген, къазыкълыкъда бюгюлмей эди.
  • Къарт айтханны этмеген, къартаймаз.
  • Бозаны арты дауур болур.
  • Атлыны ашхысы, ат тизгининден билинир
  • Ач къарынны, токъ билмез
  • Ётюрюкден тюбю джокъ, кёлтюрюрге джиби джокъ.
  • Ач да бол, токъ да бол – намысынга бек бол.
  • Иесиз малны бёрю ашар.
  • Адам боллукъ, атламындан белгили болур.
  • Эшекни не къадар тюйсенг да, ат болмаз.
  • Ана къойну – балагъа джандет.
  • Адеб базарда сатылмаз.
  • Ана кёлю – балада, бала кёлю – талада.

Статьи

Статьи: культура, история, современность

Случайные Лучшие Рекомендуемые

Новые статьи

следующие 5 предыдущие 5

Популярные

за неделю за месяц

Последние комментарии