Радио

Эркишиге тары кебек танг кёрюнюр.
Джарашыу сюйген – джалынчакъ.
Уллу атлама – абынырса, уллу къабма – къарылырса.
Къайгъы тюбю – тенгиз.
Къызгъанчдан ычхыныр, мухардан ычхынмаз.
Джылкъыдан – ат чыгъар, тукъумдан – джаш чыгъар.
Айраннга суу къош, телиге джол бош.
Чакъырылмагъан джерге барма, чакъырылгъан джерден къалма.
Хар сёзню орну барды.
Къыз тиширыу кеси юйюнде да къонакъды.
Тёзгеннге, джабылгъан эшик ачылыр.
Айтылгъан сёз ызына къайтмаз.
Сёз садакъдан кючлюдю.
Бек анасы джыламаз.
Кийимни бичсенг, кенг бич, тар этген къыйын тюлдю.
Махтаннган къыз, тойда джукълар.
Намысы болмагъанны, сыйы болмаз.
Айырылмаз джууугъунга, унутмаз сёзню айтма.
Чомарт джарлы болмаз.
Рысхы джалгъанды: келген да этер, кетген да этер.
Джаз бир кюнню джатсанг, къыш талай кюнню абынырса.
Эр абынмай, эл танымаз.
Адам къаллай бир ишленмесе, аллай бир кесин уллу кёреди.
Тёзген – тёш ашар!
Ашын ашагъанынгы, башын да сыйла.
Душманны тышы – акъ, ичи – къара.
Нафысынгы айтханын этме, намысынгы айтханын эт.
Иги бла джюрюсенг, джетерсе муратынга, аман бла джюрюсенг, къалырса уятха.
Къонакъ болсанг, ийнакъ бол.
Эте билген, этген этеди, эте билмеген, юретген этеди!
Таугъа чыгъаллыкъ эсенг, тюзде къалма.
Адеби болмагъан къыз – тузсуз хант.
Ушамагъан – джукъмаз.
Джашлыкъ этмеген, башлыкъ этмез.
Ашхы – джыяр, аман – джояр.
Орундукъ тюбюнде атылсам да, орта джиликме, де да айлан.
Аман адамны тепсинге олтуртсанг, къызынгы тилер.
Керилген да, ургъан кибикди.
Ойнай билмеген, оюн бузар.
Джашны джигитлиги сорулур, къызны джигерлиги сорулур.
Сагъыш – къартлыкъгъа сюйюмчю.
Тёгюлген тюгел джыйылмайды.
Тойгъандан сора, ашны сёкме.
Элиб деген, элге болушур.
Намыс сатылыб алынмайды.
Ёзденликни джайгъан – джокълукъ.
Уллу суу бла уллу ауруудан башынгы сакъла.
Аман къатын алгъан, арыр, иги къатын алгъан джарыр.
Тиширыусуз юй – отсуз от джагъа.
Ариу сёзде ауруу джокъ.

Чат

Внимание!