Расширенный поиск
22 Апреля 2025 года
Логин: Регистрация
Пароль: Забыли пароль?
Навигация
Словарь
  • Сютден ауузу кюйген, суугъа юфгюре эди.
  • Нёгер болсанг, тенг бол, тенг болмасанг, кенг бол.
  • Тели турса – той бузар.
  • Чомарт джарлы болмаз.
  • Сакъламагъан затынга джолукъсанг, не бек къууанаса, не бек ачыйса.
  • Адамгъа аман кюн соруб келмейди.
  • Аманны эки битли тону болур, бирин сеннге кийдирир, бирин кеси киер.
  • Къарнынг бла ёч алма.
  • Тынгылагъан тынгы бузар.
  • Кёз – сюйген джерде, къол – ауругъан джерде.
  • Урама да – ёледи, сатама да – келеди.
  • Баш – акъыл ючюн, акъылман – халкъ ючюн.
  • Кюн кёрмеген, кюн кёрсе, кюндюз чыракъ джандырыр.
  • Сакъалы текени да бар, мыйыгъы киштикни да бар.
  • Ауурну тюбю бла, дженгилни башы бла джюрюген.
  • Узун джолну барсанг, бюгюн келирсе, къысха джолну барсанг, тамбла келирсе.
  • Тойгъандан сора, ашны сёкме.
  • Къолунгдан къуймакъ ашатсанг да, атаны борчундан къутулмазса.
  • Акъылсызны джууукъгъа алма, акъыллыны кенгнге салма.
  • Ауругъанны сау билмез, ач къарынны токъ билмез.
  • Ариу – кёзге, акъыл – джюрекге.
  • Аш берме да, къаш бер.
  • Ашарыкъда сайлагъаннга – чий гырджын.
  • Ойнай-ойнай кёз чыгъар.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Арыгъан къош чамчы болур.
  • Этни бети бла шорпасы.
  • Хансыз джомакъ болмаз.
  • Ашхы атаны – джашы ашхы, ашхы ананы – къызы ашхы.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Эски джаугъа ышанма.
  • Ёлген ийнек сютлю болур.
  • Чакъырылмай келген къонакъ сыйланмай кетер.
  • Терслик кетер, тюзлюк джетер.
  • Аман адам элни бир-бирине джау этер.
  • Гитче джилтин уллу элни джандырыр.
  • Уллу айтханны этмеген – уллаймаз.
  • Мухар, кеси тойса да, кёзю тоймаз.
  • Тыш элде солтан болгъандан эсе, кесинги элде олтан болгъан игиди!
  • Чакъырылмагъан къонакъ – орунсуз.
  • Азыгъы аз, алгъа къабар, аты аман, алгъа чабар.
  • Джылар джаш, атасыны сакъалы бла ойнар.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Джолунга кёре – джюрюшюнг, джагъанга кёре – юлюшюнг.
  • Биреуню къыйынлыгъы бла кесинге джол ишлеме.
  • Аджал соруб келмез, келсе, къайтыб кетмез.
  • Тик ёргени, тик энгишгеси да болады.
  • Джылкъыдан – ат чыгъар, тукъумдан – джаш чыгъар.
  • Тин – байлыгъынг, терен саулугъунг.
  • Къазанда болса, чолпугъа чыгъар.

Статьи

Статьи: культура, история, современность

Случайные Лучшие Рекомендуемые

Новые статьи

следующие 5 предыдущие 5

Популярные

за неделю за месяц

Последние комментарии