Расширенный поиск
2 Июля  2025 года
Логин: Регистрация
Пароль: Забыли пароль?
  • Билимсиз иш бармаз.
  • Аджал соруб келмез, келсе, къайтыб кетмез.
  • Онгсузну – джакъла, тенгликни – сакъла.
  • Урунуу – насыбны анасы.
  • Хаухну атма, ёнгкючню сатма.
  • Хар зат кесини орнуна иги.
  • Таукел тауну аудурур.
  • Акъыллы – эл иеси, тели – эл баласы.
  • Айран тёгюлсе, джугъусу къалыр.
  • Арпа, будай – ащды, алтын, кюмюш а – ташды.
  • Чакъырылмагъан джерге барма, чакъырылгъан джерден къалма.
  • Айтханы чапыракъдан ётмеген.
  • Юйюнгден чыкъдынг – кюнюнгден чыкъдынг.
  • Сабийни джумушха джибер да, ызындан бар.
  • Ёлмесенг да, къарт дамы болмазса?
  • Сакъ юйюне сау барыр.
  • Ойнай билмеген, уруб къачар.
  • Тили узунну, намысы – къысха.
  • Алтыда кюлмеген, алтмышда кюлмез.
  • Кесине гебен этелмеген, биреуге черен эте эди.
  • Сёз сёзню айтдырыр.
  • Ач отунчуну ачыуу – бурнунда.
  • Кёзню ачылгъаны – иги, ауузну джабылгъаны – иги.
  • Нарт сёз къарт болмаз.
  • Ашарыкъда сайлагъаннга – чий гырджын.
  • Тик ёргени, тик энгишгеси да болады.
  • Ётген ёмюр – акъгъан суу.
  • Эки итни арасына сюек атма, эки адамны арасында сёз чыгъарма.
  • Кийим тукъум сордурур.
  • Азыкъ аз болса, эртде орун сал.
  • Рысхы – сют юсюнде кёмюк кибикди.
  • Джюрекге ариу – кёзге да ариу.
  • Къарыусузгъа кюлме, онгсузгъа тийме.
  • Ёпкелегенни ашы татлы болады.
  • Эски джаугъа ышанма.
  • Оюмсуз атлагъан, аджалсыз ёлюр.
  • Ётюрюк хапар аякъ тюбю бла джюрюйдю.
  • Къонагъынгы артмагъын алма да, алгъышын ал.
  • Уллу сёзде уят джокъ.
  • Ач къалгъандан, кеч къалгъан къолай.
  • Тай асырагъан, атха минер.
  • Иесиз малны бёрю ашар.
  • Адамны сабийин сюйген джюреги, бычакъча, джитиди.
  • Тил – миллетни джаны.
  • Ёлген эшек бёрюден къоркъмайды.
  • Айран ичген – къутулду, джугъусун джалагъан – тутулду.
  • Гугурук къычырмаса да, тангны атары къалмаз.
  • Ышармагъан – кюлмез, кюлмеген – къууанчны билмез.
  • Иги джашны ышаны – аз сёлешиб, кёб тынгылар.
  • Джауумдан сора, кюн кюйдюрюр, ётюрюкден сора, айыб кюйдюрюр.

«Узунмыйыкъ Алий»

05.10.2017 0 3254  Шаманов И.

Билезикни урчукъ халыгъа созгъанча, узун мыйыкъларын кёкюрегине тозуратыб, эки «буз сюммек этиб» олтургъан джердешибизни сураты белгили фото-суратчы Гр. И.В. Раевни бир альбомунда сакъланады. Альбом а Голаланы Басиятны (аны аты «Къобанланы къой бёлек» деген халкъ джырда сагъынылады) юйюр ахлуларына аталыбды. Кеси да альбом ХХ-чы ёмюрню ал джылында джарашдырылгъанды. Сейири неди десегиз, альбом 1943-чю джыл Орта Азиягъа барыб, кёчгюнчюлюкде сакъланыб, бюгюнлюкде ўа Голаланы Амырны уллу юйюрюнде турады, аны ичинде ўа ачыкъланыр керекли бёлек суратны бириди «Узунмыйыкъ».

Алайды да, тинте, сора келгеникде, ол джигит хурзукчу Апайланы Алий болуб чыгъады. Халкъда джюрюген аты «Узунмыйыкъ Алийди». Хурзукну эки суў арасында бир къыз чыкъгъан тойда этилген чам джырда быллай тизгинле тюбейдиле: «Эй, Эбу Ибрахим (Шаманланы Шабатны джашы - И.Ш.), Эм «Тюрлюкёз Карий» (Апайланы бир джашлары - И.Ш.), Эм «Сокъур Чокку» (Деккушланы джашлары - И.Ш.), Эмда «Узунмыйыкъ Алий» (Апайланы тойчу-оюнчу джашлары - И.Ш.), Кёзюгюз къыймай къалай эсиртдигиз, саўлай Къарачай сукъланнган Хубий Джаккуну (Ходжалары атаўулдан) джашы Чукурну?» - деб, «Сандыракъ» тепсеўню тизгинлеринде да айтылады бизни бу «героюбуз».

ШАМАНЛАНЫ Ибрахим,
"Къарачай" газет, 2016 дж., 17 март

(Нет голосов)

  • Нравится

Комментариев нет