Расширенный поиск
3 Мая 2024 года
Логин: Регистрация
Пароль: Забыли пароль?
Навигация
Словарь
  • Накъырданы арты керти болур.
  • Сёз – кюмюш, джыр – алтын.
  • Аман эсирсе, юйюн ояр.
  • Къоркъакъны кёзю экили кёрюр.
  • Ашхы адам – халкъ байлыгъы, ашхы джер – джашау байлыгъы.
  • Бюгюн дуния кибик, тамбла ахыратды.
  • Ауругъанны сау билмез, ач къарынны токъ билмез.
  • Окъ къызбайны джокълайды.
  • Тойгъа барсанг, тоюб бар, эски тонунгу къоюб бар.
  • Магъанасыз сёз – тауушсуз сыбызгъы.
  • Чомартны къолу берекет.
  • Эл ауузу – элек, анга ийнаннган – халек.
  • Терслик кетер, тюзлюк джетер.
  • Ана къойну – балагъа джандет.
  • Нёгерсизни джолу узун.
  • Эринчекге кюн узун.
  • Уллу къашыкъ эрин джыртар.
  • Сагъышы джокъ – джукъучу, акъылы джокъ – къаугъачы.
  • Джюрекден джюрекге джол барды.
  • Ётюрюкден тюбю джокъ, кёлтюрюрге джиби джокъ.
  • Ашаса, ашамаса да, бёрюню ауузу – къан.
  • Джырчы ёлсе, джыры къалыр.
  • Халкъны джырын джырласанг, халкъ санга эжиу этер.
  • Махтаннган къыз, тойда джукълар.
  • Адамны артындан къара сабан сюрме.
  • Ашхы атаны – джашы ашхы, ашхы ананы – къызы ашхы.
  • Бет бетге къараса, бет да джерге къарар.
  • Бир онгсуз адам адет чыгъарды, деб эштирик тюлсе.
  • Азыкълы ат арымаз, къатыны аман джарымаз.
  • Къазанчы аман болса, къазаны къайнамаз.
  • Мухар, кеси тойса да, кёзю тоймаз.
  • Тамбла алтындан бюгюн багъыр ашхы.
  • Атынг аманнга чыкъгъандан эсе, джанынг тамагъынгдан чыкъсын.
  • Къонакъ аз олтурур, кёб сынар.
  • Адам къаллай бир ишленмесе, аллай бир кесин уллу кёреди.
  • Ач къарынны, токъ билмез
  • Къанны къан бла джуума, аманны аман бла къуума.
  • Джаханимни кёрмей, джандетге кёл салмазса.
  • Байлыкъ келсе, акъыл кетер.
  • Тил – миллетни джаны.
  • Тамчы таш тешер.
  • Оюмсуз атлагъан, аджалсыз ёлюр.
  • Къаллай салам берсенг, аллай джууаб алырса.
  • Аман хансны – урлугъу кёб.
  • Айтханы чапыракъдан ётмеген.
  • Тойгъан антын унутур.
  • Къарнынг тойгъунчу аша да, белинг талгъынчы ишле.
  • Джумушакъ терекни къурт ашар.
  • Сёз садакъдан кючлюдю.
  • Ёлген аслан – сау чычхан.

Аудио

Габаев Тенгиз

Файлов: 54

Обновлен: 10.07.2017

  • Габаев Тенгиз Ата-Ана
(Голосов: 1, Рейтинг: 5)

Описание

Дата: 25.10.2012
Прослушиваний: 2814
Скачиваний: 351
Размер: 6.57 МБ
Текст песни:
музыка и стихи Исмаила Семенова

Ата деген Минги Таугъа миннгенлей,
Ана деген дарий, дамха кийгенлей,
Кюнюм батды джарлы анам ёлгенлей,
Джулдуз атлы, балдан татлы, ой анам!..

Ата деген накъут-налмаз къалады,
Ана деген джанынга джан салады,
Ол джашауну бир насыблы табады,
Джулдуз атлы, балдан татлы, ой анам!..

Эки джылны акъ сютюнгю ичирдинг,
Ешюнюнгю тёшек этиб ёсдюрдюнг,
Алай-эте талай джылгъа джетдирдинг,
Джулдуз атлы, балдан татлы, ой анам!

Отха иймей, суугъа иймей сакъладынг,
Юй кёгюрчюн къанатларын джабханча,
Белляуунгда сени алгъыш сёзлеринг –
Джанкъылычдан нюр таякъла къакъгъанча...

Элден энчи ат атаенг атыма...
Джанауалда мен болмадым къатынгда,
Джаш тюрсюнюнг агъармагъан чачынгда...
Джулдуз атлы, балдан татлы, ой анам!

Джыллыкъ джолдан келир эдим кёрюрге,
Санга, анам, олджан салам берирге,
Разылыгъынгы алыб ёлюрге...
Джулдуз атлы, балдан татлы, ой анам!..

Кече ёмюрюм бир къарангы тёбеди,
Кюн ёмюрюм джюзюб кетген кемеди,
Ёлюм деген хар адамгъа тёреди...
Джулдуз атлы, балдан татлы, ой анам!

Комментарии (1)

    Джаратама0
    Бурханаддин
    25.03.2015 23:16:31
    АЛЛАh разы болсун Тенгиз.Сени булбул ауузынъ адамланы джуреклерине дарман болсун.
    Ссылка
    • Зарегистрируйтесь чтобы пользоваться плейлистом.