Расширенный поиск
15 Мая 2024 года
Логин: Регистрация
Пароль: Забыли пароль?
Навигация
Словарь
  • Баргъанынга кёре болур келгенинг.
  • Кимни – тили, тиши онглу, кимни – къолу, иши онглу.
  • Къобан да къуру да къобханлай турмайды, адам да къуру да патчахлай турмайды.
  • Джашлыкъ этмеген, башлыкъ этмез.
  • Хар ишни да аллы къыйынды.
  • Ана кёлю – балада, бала кёлю – талада.
  • Кюн – узун, ёмюр – къысха.
  • Сыфатында болмагъаны, суратында болмаз.
  • Чёбню кёлтюрсенг, тюбюнден сёз чыгъар.
  • Адамны бетине къарама, адетине къара.
  • Бетинги сатма, малынгы сат.
  • Орундукъ тюбюнде атылсам да, орта джиликме, де да айлан.
  • Джан саулукъ бермей, сан саулукъ бермезсе.
  • Намыс болмагъан джерде, насыб болмаз.
  • Болджал ишни бёрю ашар.
  • Тай асырагъан, атха минер.
  • Тюзню ётмеги тюзде къалса да, тас болмаз.
  • Байлыкъ болгъан джерде, тынчлыкъ джокъду.
  • Тойгъан антын унутур.
  • Кирсизни – саны таза, халалны – къаны таза.
  • Ишленмеклик адамлыкъды.
  • Къонакъ аз олтурур, кёб сынар.
  • Къонакъ хазыр болгъанлыкъгъа, къонакъбай хазыр тюлдю.
  • Джетген къыз джерли эшекни танымаз.
  • Къыз келсе, джумуш эте келеди, къатын келсе, ушакъ эте келеди.
  • Халкъны юйю – туугъан джери.
  • Ашда уялгъан – мухар, ишде уялгъан – хомух.
  • Адеби болмагъан къыз – тузсуз хант.
  • Къатыны харакетли болса, эри къымсыз болур.
  • Адеб этмеген, адеб кёрмез.
  • Ашлыкъ – бюртюкден, джюн – тюкден.
  • Ишге юренсин къоллары, халкъ бла болсун джоллары.
  • Ауругъанны сау билмез, ач къарынны токъ билмез.
  • Эркиши – от, тиширыу – суу.
  • Шапа кёб болса, аш татымсыз болур.
  • Эркишини аманы тиширыуну джылатыр.
  • Адам сёзюнден белгили.
  • Къарт болгъан джерде, берекет болур, сабий болгъан джерде, оюн болур.
  • Аманнга алтын чыдамаз.
  • Байлыкъ келсе, акъыл кетер.
  • Артына баргъанны, къатына барма.
  • Юреннген ауруу къалмаз.
  • Хар сёзню орну барды.
  • Эшекге миннген – биринчи айыб, андан джыгъылгъан – экинчи айыб.
  • Адебни адебсизден юрен.
  • Къарнынг къанлынга кийирир.
  • Джылкъыдан – ат чыгъар, тукъумдан – джаш чыгъар.
  • Акъыл къартда, джашда тюйюлдю – башдады.
  • Тиширыусуз юй – отсуз от джагъа.
  • Къонакъ болсанг, ийнакъ бол.

Аудио

Казиев Азнор

Файлов: 36

Обновлен: 10.07.2017

  • Казиев Азнор Къарачайым-Малкъарым
(Голосов: 1, Рейтинг: 5)

Описание

Дата: 13.11.2012
Прослушиваний: 1369
Скачиваний: 129
Размер: 9.61 МБ
Текст песни:
муз. и сл. Хасана Хубиева

Къууанч уллуд Къарачайда, Малкъарда,
Тау макъамла эштиледи хар къайда,
Тар ёзенле джарыкъ джырладан толуб,
Узакъ барад эжиу бла орайда.

Припев:
Бир ананы эки эгиз джашыча,
Минги Тауну эки кюмюш башыча,
Тау къушну да эки деу къанатыча -
Алайсыз сиз, Къарачайым-Малкъарым.

Джыйылгъанбыз джырыбызгъа сый бере,
Къарачайда быйыл энтда бир кере.
Джюрекледен келген ариу джырланы
Джырлайбыз биз, джарыкъ кёзлени кёре.

Припев.

Джырларыбыз бизге себеб этсинле,
Кюн таякъча хар бир юйге кирсинле,
Къартларыбыз берген джырла сакълана,
Ёмюрледен ёмюрлеге ётсюнле!

Припев.

Эки миллет бир иннетли болайыкъ,
Бир къууанчдан, бир насыбдан толайыкъ,
Арабызда таула джырла болмазча,
Джюреклеге ачыкъ джолла салайыкъ.

Припев. 

Комментариев нет

  • Зарегистрируйтесь чтобы пользоваться плейлистом.