Расширенный поиск
4 Мая 2024 года
Логин: Регистрация
Пароль: Забыли пароль?
Навигация
Словарь
  • Ашхы атаны – джашы ашхы, ашхы ананы – къызы ашхы.
  • Окъуу – билимни ачхычы, окъуу – дунияны бачхычы.
  • Билгенни къолу къарны джандырыр.
  • Сангырау къулакъ эл бузар.
  • Чалманны аллы къалай башланса, арты да алай барады.
  • Намысы болмагъанны, сыйы болмаз.
  • Ашхы сёз таш тешер.
  • Азыкълы ат арымаз, къатыны аман джарымаз.
  • Къартны бурнун сюрт да, оноугъа тут.
  • Ашыкъгъанны этеги бутуна чырмалыр.
  • Ашха уста, юйюнде болсун
  • Адам сёзге тынгыла, акъыл сёзню ангыла.
  • Къарнынг ауруса, ауузунгу тый
  • Бал – татлы, балдан да бала – татлы.
  • Тойну къарнашы – харс, джырны къарнашы – эжиу.
  • Кёл ашады да, кеси ашады.
  • Башланнган иш битер, къымылдагъан тиш тюшер.
  • Ач отунчуну ачыуу – бурнунда.
  • Кёб ант этген, кёб ётюрюк айтыр.
  • Кёб къычыргъандан – къоркъма, тынч олтургъандан – къоркъ.
  • Керек ташны ауурлугъу джокъ.
  • Ашарыкъда сайлагъаннга – чий гырджын.
  • Этни да ашады, бетни да ашады.
  • Кёбню кёрген – кёб билир.
  • Байлыкъ келсе, акъыл кетер.
  • Киштикге къанат битсе, чыпчыкъ къалмаз эди.
  • Терслик кетер, тюзлюк джетер.
  • Таукел адам тау тешер.
  • Ёпкелегенни ашы татлы болады.
  • Аш кетер да бет къалыр.
  • Къызбайны юйюне дери сюрсенг, батыр болур.
  • Джахил болса анасы, не билликди баласы?
  • Сагъыш – къартлыкъгъа сюйюмчю.
  • Биреуге кёлтюрген таягъынг, кесинги башынга урур.
  • Ашын ашагъанынгы, башын да сыйла.
  • Адеб джокъда, намыс джокъ.
  • Ишлемеген – тишлемез.
  • Кёзюнде тереги болгъан, чёбю болгъаннга кюле эди.
  • Узун джолну барсанг, бюгюн келирсе, къысха джолну барсанг, тамбла келирсе.
  • Джиби бир къат джетмей эди да, эки къат тарта эди.
  • Ёгюзню мюйюзлери ауурлукъ этмейдиле.
  • Аууздан келген, къолдан келсе, ким да патчах болур эди.
  • Агъач халкъгъа алтынды, иссиликге салкъынды.
  • Дуния малгъа сатылма, кесингден телиге къатылма.
  • Кютгени беш эчки, сызгъыргъаны уа, джерни джарады.
  • Баланы адам этген анады.
  • Къонагъынгы артмагъын алма да, алгъышын ал.
  • Башы ишлегенни, ауузу да ишлер.
  • Таугъа чыгъаллыкъ эсенг, тюзде къалма.
  • Чоюнну башы ачыкъ болса, итге уят керекди.

Аудио

Газаев Алим

Файлов: 54

Обновлен: 10.07.2017

  • Газаев Алим Шукур энтда тюбедик (с Сокуровой О.)
(Голосов: 3, Рейтинг: 5)

Описание

Дата: 10.12.2012
Прослушиваний: 1965
Скачиваний: 557
Размер: 12.53 МБ
Текст песни:
музыка Кулины Асановой
стихи Танзили Зумакуловой

Сени тансыкъ кёзлеринг
Сейир насыбда жиляй,
Эринлеринг айтдыла,
Шош, акъырын шыбырдай:

- Шукур, энтда тюбедик,
Жомакъда айтхан кибик,
Минг жылланы термилип,
Бир бирни тапхан кибик.

Минг-минг суудан биз ётдюк,
Минг палахдан къутулуп,
Дуния толкъунларында
Къалмагъанлай жутулуп.

Шукур, энтда тюбедик,
Жомакъда айтхан кибик,
Минг жылланы термилип,
Бир бирни тапхан кибик.

Кёзюм къарангы этиб
Дуния бола къарангы,
Джан дарман излегенча,
Изледим къарамынгы.

Ол кюн, ким билсин, манга
Кимни джаны ауруду?
Сени кёрюр насыбны
Джашау энтда джаудурду.

О, жаным, жаным, жаным,
Сюйсенг да джюрек бла,
Эшиталмадынгмы мени
Ол чарс кюн тилек бла? 

Комментариев нет

  • Зарегистрируйтесь чтобы пользоваться плейлистом.