Расширенный поиск
16 Мая 2024 года
Логин: Регистрация
Пароль: Забыли пароль?
Навигация
Словарь
  • Ата – баланы уясы.
  • Ёлген аслан – сау чычхан.
  • Кюн – узун, ёмюр – къысха.
  • Биреуге кёлтюрген таягъынг, кесинги башынга урур.
  • Керек ташны ауурлугъу джокъ.
  • Ушамагъан – джукъмаз.
  • Айран тёгюлсе, джугъусу къалыр.
  • Орундукъ тюбюнде атылсам да, орта джиликме, де да айлан.
  • Аман адам элни бир-бирине джау этер.
  • Ач къарынны, токъ билмез
  • Ашыкъгъан cуу, тенгизге джетмез.
  • Къазанчы аман болса, къазаны къайнамаз.
  • Кийим тукъум сордурур.
  • Къызбайны юйюне дери сюрсенг, батыр болур.
  • Къонакъ кёб келюучю юйню, къазаны отдан тюшмез.
  • Нёгер болсанг, тенг бол, тенг болмасанг, кенг бол.
  • Окъуусуз билим – джокъ, билимсиз кюнюнг – джокъ.
  • Ана кёлю – балада, бала кёлю – талада.
  • Нарт сёз – тилни бети.
  • Байлыкъдан саулукъ ашхыды.
  • Оюмсуз атлагъан, аджалсыз ёлюр.
  • Гугук кесини атын айтыб къычыргъанча, мен, мен деб нек тураса?
  • Тыш элде солтан болгъандан эсе, кесинги элде олтан болгъан игиди!
  • Аурууну келиую тынч, кетиую – къыйын.
  • Ауузу бла къуш тута айланады.
  • Джолда аягъынга сакъ бол, ушакъда тилинге сакъ бол.
  • Уруну арты – къуру.
  • Къонагъы джокъну – шоху джокъ.
  • Ёгюзню мюйюзлери ауурлукъ этмейдиле.
  • Харам къарнашдан, халал тенг ашхы.
  • Кёлсюзден сёзсюз тууар.
  • Аджал соруб келмез, келсе, къайтыб кетмез.
  • Зар адамны насыбы болмаз.
  • Адеби болмагъан къыз – тузсуз хант.
  • Бир онгсуз адам адет чыгъарды, деб эштирик тюлсе.
  • Окъугъан озар, окъумагъан тозар.
  • Иги болса, тамадама – махтау, аман болса, меннге – айыб.
  • Эл тойса, тоймагъан, эл къойса, къоймагъан.
  • Къонакъ хазыр болгъанлыкъгъа, къонакъбай хазыр тюлдю.
  • Адамны джюреги нени кёрюрге сюйсе, кёзю да аны кёрюрге ёч болады.
  • Бозанг болмагъан джерге, къалагъынгы сукъма.
  • Атлыны ашхысы, ат тизгининден билинир
  • Айтылгъан сёз ызына къайтмаз.
  • Къан бла кирген, джан бла чыгъар.
  • Билмегенинги, билгеннге сор.
  • Ойнай-ойнай кёз чыгъар.
  • Джангыз терек къынгыр ёсер.
  • Ёксюзню къалачы уллу кёрюнюр.
  • Джол бла сёзню къыйыры джокъ.
  • Ач – эснер, ат – кишнер.

Аудио

Салпагаров Мусса

Файлов: 1

Обновлен: 06.07.2017

  • Салпагаров Мусса Анам
(Голосов: 2, Рейтинг: 5)

Описание

Дата: 12.12.2012
Прослушиваний: 3085
Скачиваний: 173
Размер: 15.79 МБ
Текст песни:
муз. и сл. Муссы Салпагарова

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Кюн джарыкъны джарыгъыса, анам, сен!

Мыдах кюнде кюн кибиксе, анам, сен!
Джашау джолунг джарыкъ болсун сени, кенг!
Къарангыны джарыкъ этген, анам, сен!
Бу дунияда джокъду, анам, санга тенг!

Сенсе, анам, адеб-намыс юретген!
Сенсе, анам, "иги бол" деб, кюрешген!
Сенсе, анам, балаланы бек сюйген!
Сенсе, анам, манга алгъыш тилеген!

Къор болайым, "ана" деген атынга!
Дарман болуб, джагъылайым санынга!
Кечмеклик бер, тийген эсем джанынга!
"Ана" деген сыйлы атды таулугъа!

Сенсиз, анам, мени кюнюм ётмесин!
Аналагъа бир къыйынлыкъ джетмесин!
Ол джашауун мамырлыкъда ашырсын!
Зор джыламукъ ана кёзден акъмасын!

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Бу дунияда джокъду, анам, санга тенг!
Джокъду, анам, санга тенг! 

Комментариев нет

  • Зарегистрируйтесь чтобы пользоваться плейлистом.