Расширенный поиск
5 Мая 2024 года
Логин: Регистрация
Пароль: Забыли пароль?
Навигация
Словарь
  • Юй ишлеген балта эшикде къалыр.
  • Кёл ашады да, кеси ашады.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Чомартха Тейри да борчлуду.
  • Чакъырылмагъан къонакъ къачан кетерин сормаз.
  • Накъырданы арты керти болур.
  • Кийим тукъум сордурур.
  • Тура эдим джата, къайдан чыкъды хата?
  • Къыйынлы джети элге оноу этер.
  • Кийимни бир кюнню аясанг, минг кюннге джарар.
  • Керилген да, ургъан кибикди.
  • Намыс сатылыб алынмайды.
  • Душманны тышы – акъ, ичи – къара.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Ашлыкъны арба юйге келтирир, чана базаргъа элтир.
  • Хазыр ашха – терен къашыкъ.
  • Къарт болгъан джерде, берекет болур, сабий болгъан джерде, оюн болур.
  • Ачыу алгъа келсе, акъыл артха къалады.
  • Джолда аягъынга сакъ бол, ушакъда тилинге сакъ бол.
  • Аз айтсам, кёб ангылагъыз.
  • Кесине оноу эте билмеген, халкъына да эте билмез.
  • Ана къолу ачытмаз.
  • Адамны джюреги нени кёрюрге сюйсе, кёзю да аны кёрюрге ёч болады.
  • Чыбыкълыкъда бюгюлмеген, къазыкълыкъда бюгюлмей эди.
  • Билгенни къолу къарны джандырыр.
  • Нарт сёз – тилни бети.
  • Бир онгсуз адам адет чыгъарды, деб эштирик тюлсе.
  • Этни да ашады, бетни да ашады.
  • Эки къатын алгъанны къулагъы тынгнгаймаз.
  • Тынгылагъан тынгы бузар.
  • Тили узунну, намысы – къысха.
  • Айраннга суу къош, телиге джол бош.
  • Аман адам этегингден тутса, кес да къач.
  • Джаш къарыу бла кючлю, къарт акъыл бла кючлю.
  • Харам къарнашдан, халал тенг ашхы.
  • Джумушакъ сёз къаты таякъны сындырыр.
  • Ётюрюк хапар аякъ тюбю бла джюрюйдю.
  • Элиб деген, элге болушур.
  • Иши джокъну, сыйы джокъ.
  • Кеси юйюмде мен да ханма.
  • Татлы сёз – балдан татлы.
  • Ётюрюкню башын керти кесер.
  • Джыйырма къойну юч джыйырма эбзе кюте эди.
  • Игилик игилик бла сингдирилиучю затды.
  • Ашхы атаны – джашы ашхы, ашхы ананы – къызы ашхы.
  • Ишге юренсин къоллары, халкъ бла болсун джоллары.
  • Ауузу аманнга «иги», деме.
  • Эшекге миннген – биринчи айыб, андан джыгъылгъан – экинчи айыб.
  • Ач, тоймам, дейди, тойгъан, ач болмам, дейди.
  • Чакъырылмагъан къонакъ тёрге атламаз.

Аудио

Отаров Омар

Файлов: 265

Обновлен: 06.07.2017

  • Отаров Омар Акътамакъ
(Голосов: 3, Рейтинг: 5)

Описание

Дата: 17.12.2012
Прослушиваний: 2616
Скачиваний: 1205
Размер: 7.95 МБ
Текст песни:
музыка и стихи Исмаила Семенова (Джырчы Сымайыла)

...Кел, мин, ариу, файтоннга, 
Байду да минер биргенге. 
Эй, мен джюз файтоннга буйрукъ бергенме 
Сени биргенге тебрерге. 

Джюз файтон бла барырем, 
Юйюнгю аллына джол салыб, 
Эй, отоу терезеден бир къарагъыем, 
Эки джан сюекге къол салыб. 

Къаяда къаплан джатханлай, 
Къамагъа бычакъ такъгъанлай, 
Эй, джазыуунг джетсе, келиб къалырса 
Джалан аякълай, чабханлай, 

Мен таугъа тогъай салмасам, ариу, 
Тюзде файтон бла бармасам, 
Эй, ёлсем, къабырым а эки джарылыр, 
Дуниямда сени алмасам. 

Кел, мин, ариу, фаитоннга, 
Хамут салгъанма сары атха, 
Эй, джай чилледе да безгек боллукъса, 
Алыб кетмесем наратха. 

Тюлкю бла турна уа шох эдиле, 
Ала тюз къамишде къош элле. 
Эй, тауда сюйгенле - ма биз экиси, 
Къалгъан сюйгенле бош элле. 

Бал чибиним бал этер, 
Къанатын джайыб кенг, кетер. 
Эй, аджал инбашда, болджал тау башда, 
Толу муратына ким джетер? 

Мен суу джоргъагъа минейим, ариу, 
Темирден кюбе киейим, 
Эй, этген тузагъыма аягъынга тюшюб, 
Амалсыз кюнюнге тюбейим. 

Тау артында джылкъыла, 
Эбзеде токълу къыркъыла. 
Эй, ариу, алакёзюм, къайдан келесе, 
Базар мамукълай сытыла? 

Тауну артында чилле сюргенме, 
Керекли болсанг, алырса. 
Эй, алтын челеклеринг, кюмюш суу агъачынг, 
Эриксенг, суугъа барырса. 

Кел, мин, ариу, фаитоннга, 
Да къобуз согъа, чайкъала. 
Эй, сол джанынгда кесим барлыкъма, 
Сорсанг а, джууаб къайтара. 

Ой, ариучугъум, къайдан келесе, 
Кесинг кесинги сюйдюрюб? 
Эй, алыб кетерикме ариу алакёзню, 
Автомобильге миндириб...

Комментарии (1)

    Джаратама0
    Bilal
    18.01.2013 07:06:21
    Бу джырны сёзлери, макъамы да Семенланы Сымайылныкъыдыла (Джырчы Сымайылны).
    Башха айтырым джокъду. Отар улу ариу джырлагъанына сёз джокъду, алай а, билгенле, джырын Сымайыл кеси кимден да ариу джырлагъанын айтадыла.
    Ссылка
    • Зарегистрируйтесь чтобы пользоваться плейлистом.