Расширенный поиск
5 Мая 2024 года
Логин: Регистрация
Пароль: Забыли пароль?
Навигация
Словарь
  • Чомарт бергенин айтмаз.
  • Дууулдаса – бал чибин, къонса – къара чибин.
  • Джаханимни кёрмей, джандетге кёл салмазса.
  • Босагъагъа джууукъ орун болса, ашыгъыб тёрге озма.
  • Ёнгкюч къууана барыр, джылай келир.
  • Джеринден айырылгъан – джети джылар, джуртундан айырылгъан – ёлгюнчю джылар.
  • Суу кетер, таш къалыр.
  • Джашда акъыл джокъ, къартда къарыу джокъ.
  • Ач – эснер, ат – кишнер.
  • Келлик заман – къартлыкъ келтирир, кетген заман – джашлыкъ ёлтюрюр.
  • Атлыны ашхысы, ат тизгининден билинир
  • Къонакъ аман болса, къонакъбай джунчур
  • Ишге юренсин къоллары, халкъ бла болсун джоллары.
  • «Ма», - дегенни билмесенг, «бер», - дегенни билмезсе.
  • Юреннген ауруу къалмаз.
  • Агъач – джерни чырайы, кийим – эрни чырайы.
  • Нарт сёз къарт болмаз.
  • Тил – миллетни джаны.
  • Сабыр джетер муратха, сабырсыз къалыр уятха.
  • Алим болгъандан эсе, адам болгъан къыйынды.
  • Зарда марда джокъ.
  • Махтаннган къыз, тойда джукълар.
  • Айтылгъан сёз ызына къайтмаз.
  • Ётюрюкчюню шагъаты – къатында.
  • Таугъа чыгъаллыкъ эсенг, тюзде къалма.
  • Мухарны эси – ашарыкъда.
  • Аман къатын алгъан, арыр, иги къатын алгъан джарыр.
  • Таукел адам тау тешер.
  • Аман киши кеси юйюнде – къонакъ.
  • Чомарт къонакъ юй иесин сыйлар.
  • Келгинчи, къонакъ уялыр, келгенден сора, къонакъбай уялыр.
  • Эшекни не къадар тюйсенг да, ат болмаз.
  • Къар – келтирди, суу – элтди.
  • Ашхылыкъ джерде джатмайды, аманлыкъ суугъа батмайды.
  • Хар ишни да аллы къыйынды.
  • Айтханы чапыракъдан ётмеген.
  • Къонакъ болсанг, ийнакъ бол.
  • Айранны сюйген, ийнек тутар.
  • Кёпюр салгъан кеси ётер, уру къазгъан кеси кетер.
  • Къартны бурнун сюрт да, оноугъа тут.
  • Джаным-тиним – окъуу, билим.
  • Тёрде – темир таякълы, къаяда – чыпчыкъ аякълы.
  • Намыс сатылыб алынмайды.
  • Бет бетге къараса, бет да джерге къарар.
  • Аман къатын сабий табса, бий болур…
  • Туз, гырджын аша, тюзлюк бла джаша.
  • Ишин билген, аны сыйын чыгъарады.
  • Аууздан келген, къолдан келсе, ким да патчах болур эди.
  • Таукел къуру къалмаз.
  • Ауузу аманнга «иги», деме.

Аудио

Отаров Омар

Файлов: 265

Обновлен: 06.07.2017

  • Отаров Омар Анам сакълама
(Голосов: 1, Рейтинг: 5)

Описание

Дата: 19.03.2013
Прослушиваний: 1520
Скачиваний: 1255
Размер: 9.06 МБ
Текст песни:
музыка Мустафира Жеттеева
стихи Иссы Боташева

Ой анам хариб, сен мени аллыма
Кёз къакъмай къарагъанлы азмы болду?
Джюрегинг ийнанмайд тас болгъаныма.
Огъурлу бетинг былай сазмы болду?

Анам хариб, джолгъа бош къараб турма.
Кир юйге, кёремисе кеч болгъанды?
Джюрегингде ашхы умутла къурма,
Джашынг солдат эд, солдатлай къалгъанды.

Анам, энди урушдан къайтыб келиб,
Сени тансыкълай, тору атымдан тюшмем.
"Анам, урушда бек суусаб болдум", - деб,
Халал къолунгдан айран алыб ичмем.

Ол сени аналарына санаучу
Кёб тенгим урушдан къайтхан болмазла.
Зыбыр къолунг бла сылаучу
Башыма окъ тийгенин ала айтхан болмазла.

Эрни иши алайды, алайды, джаным,
Аны къабыры элинде болмайды.
Ата джуртуна къоркъуу тюшсе, анам,
Ол къанын джанында артха салмайды.

Кир юйге, анам, кеч болгъанд, кёресе.
Энди манга сен къурманлыкъла атама.
Энди манга отоу джасаб не этесе?
Белгисиз солдат къабырда джатама. 

Комментариев нет

  • Зарегистрируйтесь чтобы пользоваться плейлистом.