Расширенный поиск
4 Мая 2024 года
Логин: Регистрация
Пароль: Забыли пароль?
Навигация
Словарь
  • Адеб базарда сатылмаз.
  • Тура эдим джата, къайдан чыкъды хата?
  • Къолунгдан къуймакъ ашатсанг да, атаны борчундан къутулмазса.
  • Кенгеш болса, уруш болмаз.
  • Къалгъан ишге къар джауар.
  • Къая джолда джортма, ачыкъ сёзден къоркъма.
  • Хунаны тюбюн къазсанг, юсюнге ауар.
  • Чабакъ башындан чирийди.
  • Кёбню кёрген – кёб билир.
  • Шайтан алдады, тюзлюк къаргъады.
  • Къонакъ болсанг, ийнакъ бол.
  • Бети бедерден, намыс сакълама.
  • Арбаз къынгырды да, ийнек сауалмайма.
  • Атынг аманнга чыкъгъандан эсе, джанынг тамагъынгдан чыкъсын.
  • Нарт сёз къарт болмаз.
  • Нёгер болсанг, тенг бол, тенг болмасанг, кенг бол.
  • Джуртун къоругъан озар.
  • Ишлегенде эринме, ишде чолакъ кёрюнме.
  • Чабакъгъа акъыл, табагъа тюшсе келеди.
  • Керти сёзге тёре джокъ.
  • Терек ауса, отунчу – кёб.
  • Танг атмайма десе да, кюн къоярыкъ тюйюлдю.
  • Бети къызарыучу адамны, джюреги харам болмаз.
  • Къумурсхала джыйылсала, пилни да джыгъадыла.
  • Мухарны эси – ашарыкъда.
  • Ойнай билмеген, оюн бузар.
  • Ариу сёз джыланны орнундан чыгъарыр.
  • Ёпкелегенни ашы татлы болады.
  • Бермеген къол, алмайды.
  • Бал чибинни ургъаны – ачы, балы – татлы.
  • Тау башында, тау болмаз, джангыз терек, бау болмаз.
  • Иесиз малны бёрю ашар.
  • Акъылсызны джууукъгъа алма, акъыллыны кенгнге салма.
  • Мадар болса, къадар болур.
  • Джырчы ёлсе, джыры къалыр.
  • Эллинг бла джау болсанг да, юйюнг бла джау болма.
  • Ачны эсинде – аш.
  • Сабийни джумушха джибер да, ызындан бар.
  • Ариу сёз – къылычдан джити.
  • Ач да бол, токъ да бол – намысынга бек бол.
  • Иги – алгъыш этер, аман – къаргъыш этер.
  • Чомарт джарлы болмаз.
  • Къартны бурнун сюрт да, оноугъа тут.
  • Кесине оноу эте билмеген, халкъына да эте билмез.
  • Ач уят къоймаз.
  • Сыфатында болмагъаны, суратында болмаз.
  • Аманны къуугъан, аманлыкъ табар.
  • Адебни адебсизден юрен.
  • Къонакъны къачан кетерин сорма, къачан келлигин сор.
  • Соргъан айыб тюлдю, билмеген айыбды.

Аудио

Отаров Омар

Файлов: 265

Обновлен: 06.07.2017

  • Отаров Омар Кёгала (с Алтуевоей Зоей)
(Голосов: 2, Рейтинг: 5)

Описание

Дата: 11.04.2013
Прослушиваний: 2009
Скачиваний: 1222
Размер: 6.24 МБ
Текст песни:
музыка Маджита Ногайлиева
стихи Азамата Суюнчева

Джашла:
Кёкле тюбюнде, кёкбаш юйледе
Джашайды ариу Кёгала.
Экибиз бирге кюйюб барабыз,
Кёгала, санга тарала.

Кёгала:
Кёкле тюбюнде, кёкбаш юйледе
Мен бек къайгъысыз джашаеем,
Тойгъа-оюнга къошулмай эдим,
Мен сюймекликден ташаем.

Джашла:
Джарыкъ джулдузча, сени сыфатынг
Къууат салады шахаргъа,
Ышаргъанчыгъынг, ала кёзлеринг
Къоймайла бизни джашаргъа.

Кёгала:
Бизни тийреге сиз тойгъа келиб,
Юйде олтутуруб кетдигиз,
Бирден кёзюме къараб ышарыб,
Мени тынчлыкъсыз этдигиз.

Джашла:
Субай санынга ариу джарашхан
Кёк бетли чепкен кийесе,
Экеулен болуб сени сюебиз,
Сен къайсыбызны сюесе?

Кёгала:
Экигизге да бир сёзюм джокъду,
Джашла, сиз ашхы, аламат.
Халал тенглени шохлугъун бузсам,
Не айтыр манга джамагъат?

Джашла:
Экибиз бирге аллынга келдик,
Бир-бирибизден уяла,
Халал тенглени харам этме да
Бирин сайлачы, Кёгала.

Кёгала:
Экигизни мен айырмайын,
Бирча багъалы кёреме.
Айыб этмегиз, тюзюн айтайым,
Мен башха джашны сюеме.

Комментариев нет

  • Зарегистрируйтесь чтобы пользоваться плейлистом.