Расширенный поиск
5 Мая 2024 года
Логин: Регистрация
Пароль: Забыли пароль?
Навигация
Словарь
  • Юреннген ауруу къалмаз.
  • Акъыллы айтыр эди, акъылсыз къоймайды.
  • Аман адам элни бир-бирине джау этер.
  • Татлы сёз – балдан татлы.
  • Нёгер болсанг, тенг бол, тенг болмасанг, кенг бол.
  • Уясында не кёрсе, учханында аны этер.
  • Аурууну келиую тынч, кетиую – къыйын.
  • Ач отунчуну ачыуу – бурнунда.
  • Джумушакъ терекни къурт ашар.
  • Аз айтсам, кёб ангылагъыз.
  • Ёксюзню тилеги къабыл болур.
  • Зарда марда джокъ.
  • Адамны джюреги нени кёрюрге сюйсе, кёзю да аны кёрюрге ёч болады.
  • Адеб джокъда, намыс джокъ.
  • Ичимден чыкъды хата, къайры барайым сата?
  • Ётюрюк хапар аякъ тюбю бла джюрюйдю.
  • Окъ къызбайны джокълайды.
  • Къыйынлы джети элге оноу этер.
  • Тил – миллетни джаны.
  • Ач къалгъандан, кеч къалгъан къолай.
  • Ётген ёмюр – акъгъан суу.
  • Аман киши кеси юйюнде – къонакъ.
  • Сабийни джумушха джибер да, ызындан бар.
  • Айыбны суу бла джууалмазса.
  • Ариу – кёзге, акъыл – джюрекге.
  • Мен да «сен», дейме, сен да «кесим», дейсе.
  • Чабакъсыз кёлге къармакъ салгъанлыкъгъа, чабакъ тутмазса.
  • Сабий кёргенин унутмаз.
  • Уруну арты – къуру.
  • Кёпюр салгъан кеси ётер, уру къазгъан кеси кетер.
  • Джюз элде джюз ёгюзюм болгъандан эсе, джюз джууугъум болсун.
  • Кёбню кёрген – кёб билир.
  • Келгинчи, къонакъ уялыр, келгенден сора, къонакъбай уялыр.
  • Ашаса, ашамаса да, бёрюню ауузу – къан.
  • Татлы тилде – сёз ариу, чемер къолда – иш ариу.
  • Эркиши – от, тиширыу – суу.
  • Эли джокъну – кёлю джокъ.
  • Термилгенинги табмазса, кюлгенинге тюберсе.
  • Тёзген – тёш ашар!
  • Магъанасыз сёз – тауушсуз сыбызгъы.
  • Асхат ашлыкъ сата, юйдегиси ачдан къата.
  • Бал ашаргъа сюе эсенг, чибин ургъаннга тёз.
  • Тойгъан джерге джети къайт.
  • Ана кёлю – балада, бала кёлю – талада.
  • Этек чакъмакълары баш джаргъан, сёлешген сёзлери таш джаргъан.
  • Эки итни арасына сюек атма, эки адамны арасында сёз чыгъарма.
  • Этни да ашады, бетни да ашады.
  • Ётюрюкчюню шагъаты – къатында.
  • Булут кёкге джарашыу, уят бетге джарашыу.
  • Джаш къарыу бла кючлю, къарт акъыл бла кючлю.

Аудио

Узденов Альберт

Файлов: 48

Обновлен: 06.07.2017

  • Узденов Альберт Джашлыгъым
(Голосов: 1, Рейтинг: 5)

Описание

Дата: 10.11.2013
Прослушиваний: 3725
Скачиваний: 991
Размер: 7.39 МБ
Текст песни:
Музыка и стихи Альберта Узденова.

Кетген кече бир сейирлик тюш кёрдюм,
Къушча учуб бара эди джашлыгъым,
Бек тансыкълаб, джеталмасам деб, кёб сюрдюм,
Уча эдим, джел-джел эте башлыгъым.

Припев:
Джеталмадым, джеталмадым мен аны,
Къайтарыргъа бармыд мадар заманны?

Алдагъанны алдагъанын билгенде,
Алдайса деб,айталмагъан джашлыгъым!
Ол тазалыкъ джокъду бюгюн биргемде,
Алыб кетди къайталмагъан джашлыгъым!

Припев:
Джеталмадым, джеталмадым мен аны,
Къайтарыргъа бармыд мадар заманны?

Бюгюнлюкде тюшлерими джокълагъан,
Насыбы кёб, сагъышы аз джашлыгъым!
Джокъду къачхы булутда да сокъмагъы,
Келлик джаз бла да къайталмаз джашлыгъым.

Припев:
Джеталмадым, джеталмадым мен аны,
Къайтарыргъа бармыд мадар заманны?

Комментариев нет

  • Зарегистрируйтесь чтобы пользоваться плейлистом.