Расширенный поиск
6 Мая 2024 года
Логин: Регистрация
Пароль: Забыли пароль?
Навигация
Словарь
  • Иги адам абынса да, джангылмаз.
  • Элде адам къалмаса, ит тахтагъа минер.
  • Ким бла джюрюсенг, аны кёзю бла кёрюнюрсе.
  • Халкъны джырын джырласанг, халкъ санга эжиу этер.
  • Джангызны оту джарыкъ джанмаз!
  • Алтыннга тот къонмаз.
  • Джумушакъ сёз къаты таякъны сындырыр.
  • Кёзю сокъурдан – къоркъма, кёлю сокъурдан – къоркъ.
  • Дууулдаса – бал чибин, къонса – къара чибин.
  • Уруну арты – къуру.
  • Эри аманны, къатыны – аман.
  • Уллу къашыкъ эрин джыртар.
  • Ёпкелегенни ашы татлы болады.
  • Ачны эсинде – аш.
  • Окъуу – билимни ачхычы, окъуу – дунияны бачхычы.
  • Халкъны юйю – туугъан джери.
  • Айранны сюйген, ийнек тутар.
  • Тойгъандан сора, ашны сёкме.
  • Тёзген – тёш ашар!
  • Таукел къуру къалмаз.
  • Ат да турмайды бир териде.
  • Нарт сёз къарт болмаз.
  • Юй ишлеген балта эшикде къалыр.
  • Ата Джуртуму башы болмасам да, босагъасында ташы болайым.
  • Къолу уллу – асыу, аягъы уллу – джарсыу.
  • Ёлген эшек бёрюден къоркъмайды.
  • Билмегенинги, билгеннге сор.
  • Айтхан – тынч, этген – къыйын.
  • Кюн кёрмеген, кюн кёрсе, кюндюз чыракъ джандырыр.
  • Ишлемеген – тишлемез.
  • Чакъырылмагъан къонакъ къачан кетерин сормаз.
  • Суугъа – чабакъ, къаягъа – ыргъакъ.
  • Тюзню ётмеги тюзде къалса да, тас болмаз.
  • Джарлыны эшигин махтагъан джабар.
  • Ашатыргъа иш – ашхы, ишлетирге аш – ашхы.
  • Намыс болмагъан джерде, насыб болмаз.
  • Ургъан суудан башынгы сакъла.
  • Чарсда алчыны эл кёреди.
  • Кимни – тили, тиши онглу, кимни – къолу, иши онглу.
  • Эркиши – от, тиширыу – суу.
  • Этек чакъмакълары баш джаргъан, сёлешген сёзлери таш джаргъан.
  • Тойгъа барсанг, тоюб бар, эски тонунгу къоюб бар.
  • Тил – кесген бычакъ, сёз – атылгъан окъ.
  • Ханнга да келеди хариблик.
  • Мураты болгъанны джюрек тебюую башхады.
  • Тулпарлыкъ, билекден тюл – джюрекден.
  • Аджашхан тёгерек айланыр.
  • Джаханимни кёрмей, джандетге кёл салмазса.
  • Айраннга суу къош, телиге джол бош.
  • Байдан умут эте, джарлыдан ёгюз багъасы къорады.

Аудио

Узденов Альберт

Файлов: 48

Обновлен: 06.07.2017

  • Узденов Альберт Хурметли ингирде
(Голосов: 1, Рейтинг: 5)

Описание

Дата: 10.11.2013
Прослушиваний: 1845
Скачиваний: 476
Размер: 5.25 МБ
Текст песни:
Музыка и стихи Альберта Узденова.

Иш хапарны къояйыкъчы, тенгле, биз
Бир солуюкъ, сагъыш этмей чырт джукъгъа!
Къайгъыладан тазалансын эсибиз,
Алгъыш айта Джуртха, тенгнге, джууукъгъа!

Бюгюн, тенгле, ичибизден биз кюлмей,
Махтанчакъны, дюргенни да кечейик.
Бизни кемсиз сюйгенлени биз билмей,
Джашаб тургъан джанла ючюн ичейик!

Сёз этмейин, тил этмейин бюгюн биз,
Кюнюбюзню бир сыйлы кюн этейик!
Бетсинеди деб уялмай бетибиз,
Хар адамны онглу джерин чертейик!

Хей, тамада, алгъыш сёз бер саугъагъа,
Тёзалмайды, кёлюм сёзден болуб токъ!
Джылы сёзню къызгъанмайыкъ саулагъа,
Ёлюб кетсек, джылы сёзден джылыу джокъ.

Комментариев нет

  • Зарегистрируйтесь чтобы пользоваться плейлистом.