Расширенный поиск
5 Мая 2024 года
Логин: Регистрация
Пароль: Забыли пароль?
Навигация
Словарь
  • Бал чибинни ургъаны – ачы, балы – татлы.
  • Адам сёзге тынгыла, акъыл сёзню ангыла.
  • Ашхы адам – халкъ байлыгъы, ашхы джер – джашау байлыгъы.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Тилчи тилден къаныкъмаз.
  • Акъдан къара болмаз.
  • Сабий болмагъан джерде, мёлек болмаз.
  • Джашлыкъ этмеген, башлыкъ этмез.
  • Къызны минг тилер, бир алыр.
  • Аманнга да, игиге да оноусуз къатышма.
  • Джаш къарыу бла кючлю, къарт акъыл бла кючлю.
  • Ариу – кёзге, акъыл – джюрекге.
  • Таукелге нюр джауар.
  • Ашда – бёрю, ишде – ёлю.
  • Эте билген, этген этеди, эте билмеген, юретген этеди!
  • Джюрек кёзден алгъа кёрюр.
  • Къарт айтханны этмеген, къартаймаз.
  • Ауурну тюбю бла, дженгилни башы бла джюрюген.
  • Къыз келсе, джумуш эте келеди, къатын келсе, ушакъ эте келеди.
  • Азыгъы аз, алгъа къабар, аты аман, алгъа чабар.
  • Ётюрюкчюню шагъаты – къатында.
  • Адам къыйынлыгъын кёлтюрюр, зауукълугъун кёлтюрмез.
  • Тёзген – тёш ашар!
  • Тилчи бир сагъатха айлыкъ хата этер.
  • Насыблы элин сюер, насыбсыз кесин сюер.
  • Тыш элде солтан болгъандан эсе, кесинги элде олтан болгъан игиди!
  • Къазанны башы ачыкъ болса, итге уят керекди.
  • Ана къойну – балагъа джандет.
  • Терек ауса, отунчу – кёб.
  • Аманны тукъумуна къарама, игини тукъумун сорма.
  • Телиге акъыл салгъандан эсе, ёлгеннге джан салырса.
  • Айырылгъанланы айю ашар, бёлюннгенлени бёрю ашар.
  • Таш бла ургъанны, аш бла ур.
  • Биреуню тёрюнден, кесинги эшик артынг игиди.
  • Айран ичген – къутулду, джугъусун джалагъан – тутулду.
  • Босагъагъа джууукъ орун болса, ашыгъыб тёрге озма.
  • Тай асырагъан, атха минер.
  • Джумушакъ терекни къурт ашар.
  • Джигер – джаннга къыйынлыкъ.
  • Тил джюрекге джол ишлейди.
  • Къобан да къуру да къобханлай турмайды, адам да къуру да патчахлай турмайды.
  • Джеринден айырылгъан – джети джылар, джуртундан айырылгъан – ёлгюнчю джылар.
  • Ач къарным, тынч къулагъым.
  • Адебсиз адам – джюгенсиз ат.
  • Аякъларынгы джууургъанынга кёре узат.
  • Ханнга да келеди хариблик.
  • Айран тёгюлсе, джугъусу къалыр.
  • Джашынгы кесинг юретмесенг, джашау юретир.
  • Мураты болгъанны джюрек тебюую башхады.
  • Алтыда кюлмеген, алтмышда кюлмез.

Аудио

Узденов Альберт

Файлов: 48

Обновлен: 06.07.2017

  • Узденов Альберт Къарачай
(Голосов: 2, Рейтинг: 5)

Описание

Дата: 27.11.2013
Прослушиваний: 2422
Скачиваний: 661
Размер: 4 МБ
Текст песни:
Алан халкъны аслан кёллю баласы,
Тау намысны оюлмазлыкъ къаласы,
Хар не тюрлю хазнадан да джеринг бай,
Акъыл сёзлю, дугъум кёзлю Къарачай!

Тау башлада эримеучю къарынгы,
Субай санлы джашил наратларынгы
Тоялмайма кёзлерим бла ийнакълай,
Акъ башлыкълы, джашилчепкен Къарачай!

Алма терек чакъгъан кюнде, эшикде
Джукълаб тургъан балачыкъны бешикде
Тылпыуундан тогъугъанча, мен алай
Солуучанма тау хауангы, Къарачай!

Таудан саркъыб, кёкге чыгъыб, джауарыкъ,
Ахыр кюнде санларымы джууарыкъ,
Сууларынгдан, мен ичеме тоялмай,
Ана кёлча таза суулу Къарачай!

Саным сени топурагъынга къошулур, 
Джаным сингиб тау хауанга, хош болур, 
Аджалым да айырмазча, мен алай
Байланыбма сеннге, шыйых Къарачай!

Комментариев нет

  • Зарегистрируйтесь чтобы пользоваться плейлистом.