Расширенный поиск
2 Мая 2024 года
Логин: Регистрация
Пароль: Забыли пароль?
Навигация
Словарь
  • Къарнынг бла ёч алма.
  • Аман адам этегингден тутса, кес да къач.
  • Эм ашхы къайын ана мамукъ бла башынгы тешер.
  • Урама да – ёледи, сатама да – келеди.
  • Ашхылыкъ джерде джатмайды, аманлыкъ суугъа батмайды.
  • Тилде сюек болмаса да, сюек сындырыр.
  • Арбаз сайлама да, хоншу сайла.
  • Къулакъдан эсе, кёзге ышан.
  • Хунаны тюбюн къазсанг, юсюнге ауар.
  • Туз, гырджын аша, тюзлюк бла джаша.
  • Аман адам элни бир-бирине джау этер.
  • Мени джылытмагъан кюн, меннге тиймесин!
  • Соргъан айыб тюлдю, билмеген айыбды.
  • Телиге акъыл салгъандан эсе, ёлгеннге джан салырса.
  • Аджашхан тёгерек айланыр.
  • Аякъларынгы джууургъанынга кёре узат.
  • Ауузу бла къуш тута айланады.
  • Кенгеш болса, уруш болмаз.
  • Аман хансны – урлугъу кёб.
  • Таукел тауну аудурур.
  • Уллу сёзде уят джокъ.
  • Суу да къайтады чыкъгъан джерине.
  • Тёзген – тёш ашар!
  • Къайгъы тюбю – тенгиз.
  • Ашхы тенг джолгъа салыр, аман тенг джолдан тайдырыр.
  • Татлы сёз – балдан татлы.
  • Бек анасы джыламаз.
  • Эри аманны, къатыны – аман.
  • Сыфатында болмагъаны, суратында болмаз.
  • Биреуню къыйынлыгъы бла кесинге джол ишлеме.
  • Кёл – къызбай, къол – батыр.
  • Асхат ашлыкъ сата, юйдегиси ачдан къата.
  • Арпа, будай – ащды, алтын, кюмюш а – ташды.
  • Аш кетер да бет къалыр.
  • Тамбла алтындан бюгюн багъыр ашхы.
  • Ачлыкъ отха секиртир.
  • Башланнган иш битер, къымылдагъан тиш тюшер.
  • Билмейме деген – бир сёз
  • Тёрени джагъы джокъ.
  • Башы ишлегенни, ауузу да ишлер.
  • Ашлыкъ – бюртюкден, джюн – тюкден.
  • Къаллай салам берсенг, аллай джууаб алырса.
  • Атынг аманнга чыкъгъандан эсе, джанынг тамагъынгдан чыкъсын.
  • Къалгъан ишге къар джауар.
  • Аууздан келген, къолдан келсе, ким да патчах болур эди.
  • Малны кют, джерни тюрт.
  • Билгенни къолу къарны джандырыр.
  • Кесинг сынамагъан затны, адамгъа буюрма.
  • Намыс сатылыб алынмайды.
  • Бозанг болмагъан джерге, къалагъынгы сукъма.

Аудио

Учкекен (группа)

Файлов: 42

Обновлен: 06.07.2017

  • Учкекен (группа) Ючкекен элим
(Голосов: 5, Рейтинг: 5)

Описание

Дата: 20.06.2014
Прослушиваний: 2340
Скачиваний: 158
Размер: 6 МБ
Текст песни:
Музыка Курман-Али Узденова, стихи Биляла Аппаева.

Кюн тийгенди мийик кёкде, нюрюн чача,
Уллу юйле сюелелле, къалалача,
Къонакъ келсе, эшиклерин кенгнге ача,
Сен джашайса туугъан элим - Ючкекеним.

Чагъадыла этеклеринг - кенг талала,
Гум бойнунда малла джая, чалкъы чала,
Бюгюнюнгден тамблагъа айбат бола,
Сен джашайса туугъан элим - Ючкекеним.

Кёрмегенме сендеча ариу къызланы мен
Ийнан, бирин унутады бирин кёрген, -
Аладыла кёб джашлагъа ауруу берген,
Кюёу айырыб сайлагъан Ючкекеним.

Эскиликни аякълары тутмай, тая,
Джангылыкъгъа къанатларын кенге джая,
Сенге къараб къууанады Къалеж къая,
Туугъан джерим, ариу элим - Ючкекеним.

Джашларынг а учхан къушдан тюк алалла,
Алыб ташны сыкъсала, сют чыгъаралла,
Урунууда кёблеге юлгю болалла...
Джигитлени бешигисе, Ючкекеним.

Джетишимле кёрюнелле къарамынгда,
Уллу шохлукъ къуршча бегиб халкъларынгда,
Шахар тюрсюн кёрюнеди хар орамда,
Туугъан элим, джаным-тиним - Ючкекеним.

Комментариев нет

  • Зарегистрируйтесь чтобы пользоваться плейлистом.