- Ата – баланы уясы.
- Бал ашаргъа сюе эсенг, чибин ургъаннга тёз.
- Ёзденликни джайгъан – джокълукъ.
- Кийиминг бла танылма, адамлыкъ бла таныл.
- Ёпкелегенни ашы татлы болады.
- Окъумагъан сокъурду, сокъур ташха абыныр!
- Ашарыкъда сайлагъаннга – чий гырджын.
- Келинни – келгинчи, бёркню кийгинчи кёр.
- Ана кёлю – балада, бала кёлю – талада.
- Мадар болса, къадар болур.
- Ишлемеген – тишлемез.
- Кеси юйюмде мен да ханма.
- Накъырда – кертини келечиси.
- Ариу сёз аурууунгу алыр.
- Башланнган иш битер, къымылдагъан тиш тюшер.
- Абынмазлыкъ аякъ джокъ, джангылмазлыкъ джаякъ джокъ.
- Бет бетге къараса, бет да джерге къарар.
- Ойнай билмеген, уруб къачар.
- Сормай – алма, чакъырылмай – барма.
- Къонакъ болсанг, ийнакъ бол.
- Юй кюйдю да, кюйюз чыкъды, ортасындан тюйюш чыкъды.
- Термилгенинги табмазса, кюлгенинге тюберсе.
- Тили узунну, намысы – къысха.
- Джюрек кёзден алгъа кёрюр.
- Къралынгы – душмандан, башынгы от бла суудан сакъла.
- Чалманны аллы къалай башланса, арты да алай барады.
- Ашатыргъа иш – ашхы, ишлетирге аш – ашхы.
- Адамны бетине къарама, адетине къара.
- Аман къатын сабий табса, бий болур…
- Эрине къаргъыш этген къатын, эрнин къабар.
- Кечеси – аяз, кюню – къыш, джарлы къаргъагъа бир аш тюш!
- Айтхан сёзюне табылгъан.
- Уллу айтханны этмеген – уллаймаз.
- Джуртун къоругъан озар.
- Билимден уллу байлыкъ джокъду.
- Эл элде бирер малынг болгъандан эсе, бирер тенгинг болсун.
- Артына баргъанны, къатына барма.
- Биреуге аманлыкъ этиб, кесинге игилик табмазса.
- Ана къойну – балагъа джандет.
- Аурууну келиую тынч, кетиую – къыйын.
- Ёксюзню тилеги къабыл болур.
- Ашхы адам – халкъ байлыгъы, ашхы джер – джашау байлыгъы.
- Къарны аманнга къазан такъдырма, къолу аманнга от джакъдырма.
- Ашхылыкъ джерде джатмайды, аманлыкъ суугъа батмайды.
- Ариуну – ауруу кёб.
- Джылыгъа джылан илешир.
- Джумушакъ сёз къаты таякъны сындырыр.
- Магъанасыз сёз – тауушсуз сыбызгъы.
- Тёзген – тёш ашар!
- Ач да бол, токъ да бол – намысынга бек бол.
