- Этни да ашады, бетни да ашады.
- Тюзню ётмеги тюзде къалса да, тас болмаз.
- Шапа кёб болса, аш татымсыз болур.
- Биреуню къыйынлыгъы бла кесинге джол ишлеме.
- Къан бла кирген, джан бла чыгъар.
- Элиб деген, элге болушур.
- Адам боллукъ, атламындан белгили болур.
- Эринчекге кюн узун.
- Къызгъанчдан ычхыныр, мухардан ычхынмаз.
- Киштикге къанат битсе, чыпчыкъ къалмаз эди.
- Кёзден кетген, кёлден да кетеди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ишлегенден, къарагъан уста.
- Экеулен сёлеше тура эселе, орталарына барыб кирме.
- Къатын байлыкъны сюер, эр саулукъну сюер.
- Чомарт къонакъ юй иесин сыйлар.
- Битмегеннге сакъал – танг.
- Шекер бла туз – бир болмаз, ушамагъан – юй болмаз.
- Нарт сёз – тилни бети.
- Агъач – джерни чырайы, кийим – эрни чырайы.
- Зар адамны насыбы болмаз.
- Алтыда кюлмеген, алтмышда кюлмез.
- Гугук кесини атын айтыб къычыргъанча, мен, мен деб нек тураса?
- Кёпюр салгъан кеси ётер, уру къазгъан кеси кетер.
- Тюкюрюк баш джармаз, налат кёз чыгъармаз!
- Атынг аманнга чыкъгъандан эсе, джанынг тамагъынгдан чыкъсын.
- Джыйырма къойну юч джыйырма эбзе кюте эди.
- Акъдан къара болмаз.
- Адамны аманы адамны бети бла ойнар.
- Чомарт бергенин айтмаз.
- Сагъыш – къартлыкъгъа сюйюмчю.
- Ишни аллы бла къууанма да, арты бла къууан.
- Ана кёлю – балада, бала кёлю – талада.
- Кесине оноу эте билмеген, халкъына да эте билмез.
- Уллу къашыкъ эрин джыртар.
- Намысы джокъну – дуниясы джокъ.
- Чарсда алчыны эл кёреди.
- Байлыкъ келсе, акъыл кетер.
- Тик ёргени, тик энгишгеси да болады.
- Арба аугъандан сора, джол кёргюзтюучю кёб болур.
- Аман эсирсе, юйюн ояр.
- Аш хазыр болса, иш харам болур.
- Байны оноуу, джарлыгъа джарамаз.
- Ариуну – ауруу кёб.
- Ариу сёзде ауруу джокъ.
- Ёксюзню къалачы уллу кёрюнюр.
- Ишлегенде эринме, ишде чолакъ кёрюнме.
- Тау башында, тау болмаз, джангыз терек, бау болмаз.
- Ач – эснер, ат – кишнер.
- Эр абынмай, эл танымаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72