- Акъыл бла адеб эгизледиле.
- Таукел къуру къалмаз.
- Билеги кючлю, бирни джыгъар, билими кючлю, мингни джыгъар.
- Оюмсуз атлагъан, аджалсыз ёлюр.
- Ёксюзню тилеги къабыл болур.
- Ашлыкъны арба юйге келтирир, чана базаргъа элтир.
- Акъыл аздырмаз, билим тоздурмаз.
- Кёбню кёрген – кёб билир.
- Чакъырылмагъан къонакъ къачан кетерин сормаз.
- Бюгюн дуния кибик, тамбла ахыратды.
- Къобан да къуру да къобханлай турмайды, адам да къуру да патчахлай турмайды.
- Кечеси – аяз, кюню – къыш, джарлы къаргъагъа бир аш тюш!
- Агъач халкъгъа алтынды, иссиликге салкъынды.
- Тамчы таш тешер.
- Биреуге кёлтюрген таягъынг, кесинги башынга урур.
- Иги – алгъыш этер, аман – къаргъыш этер.
- Кёзюнде тереги болгъан, чёбю болгъаннга кюле эди.
- Къарын къуру болса, джюрек уру болур.
- Мураты болгъанны джюрек тебюую башхады.
- Малны кют, джерни тюрт.
- Бичгенде ашыкъма, тикгенде ашыкъ.
- Эркиши – от, тиширыу – суу.
- Ишлемеген – тишлемез.
- Биреуню тёрюнден, кесинги эшик артынг игиди.
- Иги болса, тамадама – махтау, аман болса, меннге – айыб.
- Ашын ашагъанынгы, башын да сыйла.
- Ургъан суудан башынгы сакъла.
- Айтылгъан буйрукъ, сёгюлмез
- Адеби болмагъан къыз – тузсуз хант.
- Атадан ёксюз – бир ёксюз, анадан ёксюз – эки ёксюз.
- Татлы тилде – сёз ариу, чемер къолда – иш ариу.
- Ариу сёзде ауруу джокъ.
- Къыз келсе, джумуш эте келеди, къатын келсе, ушакъ эте келеди.
- Адам сёзге тынгыла, акъыл сёзню ангыла.
- Тёзгеннге, джабылгъан эшик ачылыр.
- Кёзден кетген, кёлден да кетеди.
- Бермеген къол, алмайды.
- Ач отунчуну ачыуу – бурнунда.
- Борчунг бар эсе, хурджунунга ойлаб узал.
- Окъугъан озар, окъумагъан тозар.
- Окъугъанны бети джарыкъ.
- Сёз садакъдан кючлюдю.
- Иги адамны бир сёзю эки болмаз.
- Ауузу аманнга «иги», деме.
- Ашхы – джыяр, аман – джояр.
- Суу кетер, таш къалыр.
- Кюлме джашха – келир башха.
- Ачны эсинде – аш.
- Юйюнгден чыкъдынг – кюнюнгден чыкъдынг.
- Башсыз урчукъ тюзюне айланмаз.
Профиль
|
|
|
|||