- Чакъырылмагъан къонакъ – орунсуз.
- Ашаса, ашамаса да, бёрюню ауузу – къан.
- Сабий болмагъан джерде, мёлек болмаз.
- Джырчы джырчыгъа – къарнаш.
- Чомарт къолда мал къалмаз.
- Ойнай билмеген, уруб къачар.
- Таякъ этден ётер, тил сюекден ётер.
- Сёз сёзню айтдырыр.
- Таш ата билмеген, башына урур.
- Шекер бла туз – бир болмаз, ушамагъан – юй болмаз.
- Ургъан суудан башынгы сакъла.
- Аш иеси бла татлыды.
- Ёлюр джаннга, ёкюл джокъ.
- Билмегенинги, билгеннге сор.
- Къатыны харакетли болса, эри къымсыз болур.
- Къанны къан бла джуума, аманны аман бла къуума.
- Минг тенг да азды, бир джау да кёбдю.
- Байлыкъ адамны сокъур этер.
- Тёрде – темир таякълы, къаяда – чыпчыкъ аякълы.
- Айранны сюйген, ийнек тутар.
- Кесине гебен этелмеген, биреуге черен эте эди.
- Кёбню кёрген – кёб билир.
- Джолда аягъынга сакъ бол, ушакъда тилинге сакъ бол.
- Махтаннган къыз, тойда джукълар.
- Джумушакъ сёз къаты таякъны сындырыр.
- Телиге от эт десенг, юйюнге от салыр.
- Кёбден умут этиб, аздан къуру къалма.
- Ханнга да келеди хариблик.
- Эм уллу байлыкъ – джан саулукъ.
- Къыйынлы джети элни къайгъысын этер.
- Зар адамны насыбы болмаз.
- Кёз – сюйген джерде, къол – ауругъан джерде.
- Къыз тиширыу кеси юйюнде да къонакъды.
- Башланнган иш битер, къымылдагъан тиш тюшер.
- Борчунг бар эсе, хурджунунга ойлаб узал.
- Урама да – ёледи, сатама да – келеди.
- Биреу ашаб къутулур, биреу джалаб тутулур.
- Джарашыу сюйген – джалынчакъ.
- Джумушакъ терекни къурт ашар.
- Джылкъыдан – ат чыгъар, тукъумдан – джаш чыгъар.
- Къулакъдан эсе, кёзге ышан.
- Билген билмегенни юретген адетди.
- Акъыл къартда, джашда тюйюлдю – башдады.
- Соргъан айыб тюлдю, билмеген айыбды.
- Рысхы джалгъанды: келген да этер, кетген да этер.
- Сууда джау джокъ, кёб сёзде магъана джокъ.
- Босагъагъа джууукъ орун болса, ашыгъыб тёрге озма.
- Эл бла кёргенинг эрелей.
- Тёзген – тёш ашар!
- Хантына кёре тузу, юйюне кёре къызы.
Профиль
|
|
|
|||