- Адам сёзюнден белгили.
- Бёрю да ач къалмасын, эчки да ашалмасын.
- Сакъ юйюне сау барыр.
- Нёгер болсанг, тенг бол, тенг болмасанг, кенг бол.
- Къартха ушагъан джаш – акъыллы, джашха ушагъан къарт – тели.
- Элиб деген, элге болушур.
- Ата – баланы уясы.
- Бастасын ашагъан, хантусун да ичер.
- Кимни – тили, тиши онглу, кимни – къолу, иши онглу.
- Ат басханны джер билед.
- Ушамагъан – джукъмаз.
- Арбаз къынгырды да, ийнек сауалмайма.
- Ёксюзню къалачы уллу кёрюнюр.
- Ариу сёз аурууунгу алыр.
- Эте билген, этген этеди, эте билмеген, юретген этеди!
- Сабийликде юретмесенг, уллу болса – тюзелмез.
- Чёбню кёлтюрсенг, тюбюнден сёз чыгъар.
- Душманны тышы – акъ, ичи – къара.
- Намыс болмагъан джерде, насыб болмаз.
- Юйлю уругъа ит чабмаз.
- Бир онгсуз адам адет чыгъарды, деб эштирик тюлсе.
- Бюгюн дуния кибик, тамбла ахыратды.
- Адеб базарда сатылмаз.
- Ашатыргъа иш – ашхы, ишлетирге аш – ашхы.
- Бал чибинни ургъаны – ачы, балы – татлы.
- Эринчекге кюн узун.
- Ишленмеген джаш – джюгенсиз ат, ишленмеген къыз – тузсуз хант.
- Керилген да, ургъан кибикди.
- Тойгъандан сора, ашны сёкме.
- Тешигини къатында, чычхан да батыр болур.
- Къатын къылыкъсыз, эр тынчлыкъсыз.
- Арба аугъандан сора, джол кёргюзтюучю кёб болур.
- Бетинги сатма, малынгы сат.
- Билмезни кёзю кёрмез, этмезни къулагъы эшитмез.
- Ауузу аманнга «иги», деме.
- Эл ауузу – элек, анга ийнаннган – халек.
- Аман къатын сабий табса, бий болур…
- Кёлю джокъну – джолу джокъ.
- Ашда уялгъан – мухар, ишде уялгъан – хомух.
- Шекер бла туз – бир болмаз, ушамагъан – юй болмаз.
- Байлыкъ болгъан джерде, тынчлыкъ джокъду.
- Юреннген ауруу къалмаз.
- Аз сёлешген, къайгъысыз турур.
- Эки итни арасына сюек атма, эки адамны арасында сёз чыгъарма.
- Келинин тута билмеген, къул этер, къызын тута билмеген, тул этер.
- Билими азны – ауузунда кирит.
- Хатерли къул болур.
- Кюл тюбюндеги от кёрюнмейди.
- Гырджын – тепсини тамадасы.
- Чарсда алчыны эл кёреди.
Профиль
|
|
|
|||