- Аманнга алтын чыдамаз.
- Акъыл аздырмаз, билим тоздурмаз.
- Тёрде – темир таякълы, къаяда – чыпчыкъ аякълы.
- Элни кючю – эмеген.
- Ауурну тюбю бла, дженгилни башы бла джюрюген.
- Билмегенинги, билгеннге сор.
- Тюзлюк тас болмайды.
- Этни да ашады, бетни да ашады.
- Иги джашны ышаны – аз сёлешиб, кёб тынгылар.
- Биреуге кёлтюрген таягъынг, кесинги башынга урур.
- Накъырданы арты керти болур.
- Чомартны къолу берекет.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къаллай салам берсенг, аллай джууаб алырса.
- Таш ата билмеген, башына урур.
- Накъырда – кертини келечиси.
- Бети бедерден, намыс сакълама.
- Билим ат болуб да чабар, къуш болуб да учар.
- Къуллукъчума, деб махтанма, къуллукъ – хаух джамчыды!
- Элиб деген, элге болушур.
- Махтаннган къыз, тойда джукълар.
- Азыкълы ат арымаз, къатыны аман джарымаз.
- Душманны тышы – акъ, ичи – къара.
- Тыш элде солтан болгъандан эсе, кесинги элде олтан болгъан игиди!
- Аман киши кеси юйюнде – къонакъ.
- Ашхылыкъ джерде джатмайды, аманлыкъ суугъа батмайды.
- Ач отунчуну ачыуу – бурнунда.
- Джыланны къуйругъундан басарынг келсе, аны башы болгъанын унутма.
- Тил бла келеди джыр да.
- Къазанны башы ачыкъ болса, итге уят керекди.
- Урама да – ёледи, сатама да – келеди.
- Тешик этген тынчды, аны джамагъан къыйынды.
- Тау башында, тау болмаз, джангыз терек, бау болмаз.
- Халкъгъа джарагъан, джарлы къалмаз.
- Аллахха ийнаннган кишини, Аллах онгдурур ишин.
- Джети тилни билген джети кишиди.
- Аз сёлешген, къайгъысыз турур.
- Джюз элде джюз ёгюзюм болгъандан эсе, джюз джууугъум болсун.
- Ёксюзню тилеги къабыл болур.
- Узун джолну барсанг, бюгюн келирсе, къысха джолну барсанг, тамбла келирсе.
- Байдан умут эте, джарлыдан ёгюз багъасы къорады.
- Къатыны харакетли болса, эри къымсыз болур.
- Уясында не кёрсе, учханында аны этер.
- Эркиши – от, тиширыу – суу.
- Ауругъанны сау билмез, ач къарынны токъ билмез.
- Нарт сёз къарт болмаз.
- Джылкъыдан – ат чыгъар, тукъумдан – джаш чыгъар.
- Чакъырылмай келген къонакъ сыйланмай кетер.
- Къумурсхала джыйылсала, пилни да джыгъадыла.
- Орну джокъну – сыйы джокъ.
Профиль
|
|
|||