- Чакъырылмагъан къонакъ – орунсуз.
- Ёксюзню тилеги къабыл болур.
- Мал тутхан – май джалар.
- Aдам боллукъ, сыфатындан белгили.
- Аз сёлешген, къайгъысыз турур.
- Ариу джол аджал келтирмез.
- Миллетни бойну – базыкъ, аны бла кюрешген – джазыкъ.
- Ичимден чыкъды хата, къайры барайым сата?
- Ёлмесенг да, къарт дамы болмазса?
- Экеу тутушса, биреу джыгъылыр.
- Аманнга игилик этсенг, юйюнге сау бармазса.
- Акъыл сабырлыкъ берир.
- Хазыр ашха – терен къашыкъ.
- Окъумагъан сокъурду, сокъур ташха абыныр!
- Ашын ашагъанынгы, башын да сыйла.
- Арыгъан къош чамчы болур.
- Босагъа таш юйге кирмей эди, тыбыр таш эшикге чыкъмай эди.
- Тулпарлыкъ, билекден тюл – джюрекден.
- Бети бедерден, намыс сакълама.
- Абынмазлыкъ аякъ джокъ, джангылмазлыкъ джаякъ джокъ.
- Къарнынг бла ёч алма.
- Ашлыкъ – бюртюкден, джюн – тюкден.
- Адамны бетине къарама, адетине къара.
- Ургъан суудан башынгы сакъла.
- Келлик заман – къартлыкъ келтирир, кетген заман – джашлыкъ ёлтюрюр.
- Ётген ёмюр – акъгъан суу.
- Кёл – къызбай, къол – батыр.
- Биреуню эскиси биреуге джангы болмайды.
- Ишин билген, аны сыйын чыгъарады.
- Бал чибинни ургъаны – ачы, балы – татлы.
- Ата джурт – алтын бешик.
- Хантына кёре тузу, юйюне кёре къызы.
- Ач уят къоймаз.
- Ашхы – джыяр, аман – джояр.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ишге юренсин къоллары, халкъ бла болсун джоллары.
- Сабыр джетер муратха, сабырсыз къалыр уятха.
- Билмезни кёзю кёрмез, этмезни къулагъы эшитмез.
- Къарт болгъан джерде, берекет болур, сабий болгъан джерде, оюн болур.
- Атлыны ашхысы, ат тизгининден билинир
- Сакъламагъан затынга джолукъсанг, не бек къууанаса, не бек ачыйса.
- Ач къарным, тынч къулагъым.
- Тенгни тенглиги джашай барсанг билинир.
- Урама да – ёледи, сатама да – келеди.
- Эртде тургъан бла эртде юйленнген сокъуранмаз.
- Акъыллы башны – тили къысха.
- Тура эдим джата, къайдан чыкъды хата?
- Къарнынг ауруса, ауузунгу тый
- Эл ауузу – элек, анга ийнаннган – халек.
- Тёгюлген тюгел джыйылмайды.
Профиль
|
|
|||