- Айранын берсенг, челегин да къызгъанма.
- Джырына кёре эжиую.
- Адам сёзюнден белгили.
- Сютню башын джалагъан къутулур, тюбюн ичген тутулур.
- Ашаса, ашамаса да, бёрюню ауузу – къан.
- Джюрек кёзден алгъа кёрюр.
- Ётюрюк хапар аякъ тюбю бла джюрюйдю.
- Ышармагъан – кюлмез, кюлмеген – къууанчны билмез.
- Терслик кетер, тюзлюк джетер.
- Адеб этмеген, адеб кёрмез.
- Ёлген эшек бёрюден къоркъмайды.
- Эм ашхы къайын ана мамукъ бла башынгы тешер.
- Аш иеси бла татлыды.
- Хансыз джомакъ болмаз.
- Эркишини аманы тиширыуну джылатыр.
- Окъ къызбайны джокълайды.
- Сакъ юйюне сау барыр.
- Этни бети бла шорпасы.
- Кёбге таш атма.
- Ётюрюкню къуйругъу – бир тутум.
- Окъуу – билимни ачхычы, окъуу – дунияны бачхычы.
- Аз сёлеш, кёб ишле.
- Кёпюр салгъан кеси ётер, уру къазгъан кеси кетер.
- Къууут – джелге, берне – бошха.
- Мухардан ач ычхынмаз.
- Ишни аллы бла къууанма да, арты бла къууан.
- Сабийликде юретмесенг, уллу болса – тюзелмез.
- Ач да бол, токъ да бол – намысынга бек бол.
- Ишлерге уял да, ашаргъа табма.
- Арпа, будай – ащды, алтын, кюмюш а – ташды.
- Къыйынлы джети элге оноу этер.
- Чабакъсыз кёлге къармакъ салгъанлыкъгъа, чабакъ тутмазса.
- Джылыгъа джылан илешир.
- Таякъ этден ётер, тил сюекден ётер.
- Керти сёзге тёре джокъ.
- Нарт сёз къарт болмаз.
- Къарт бла баш аша, джаш бла аякъ аша.
- Айыбны суу бла джууалмазса.
- Джангызны оту джарыкъ джанмаз!
- Окъумагъан сокъурду, сокъур ташха абыныр!
- Аууз сакълагъан – джан сакълар.
- Алтыннга тот къонмаз.
- Тил бла келеди джыр да.
- Башы джабылгъан челекге, кир тюшмез.
- Иги бла джюрюсенг, джетерсе муратынга, аман бла джюрюсенг, къалырса уятха.
- Игини сыйлагъан адетди.
- Ишленмеклик адамлыкъды.
- Илму – джашауну джолу.
- Аурууну келиую тынч, кетиую – къыйын.
- Окъугъан – асыу, окъумагъан – джарсыу.
Профиль
|
|
|
|||