Эльбрусоид :: Форум :: Абдулхалим

Тюз сёз баргъан сууну тыяр.
Ёгюзню мюйюзюнден тутадыла, адамны сёзюнден тутадыла.
Аман киши кеси юйюнде – къонакъ.
Иесиз малны бёрю ашар.
Ким бла джюрюсенг, аны кёзю бла кёрюнюрсе.
Баланы адам этген анады.
Эркишиге тары кебек танг кёрюнюр.
Кирсизни – саны таза, халалны – къаны таза.
Кёзюнде тереги болгъан, чёбю болгъаннга кюле эди.
Ата Джуртун танымагъан, атасын да танымаз.
Баш – акъыл ючюн, акъылман – халкъ ючюн.
Байлыкъ адамны сокъур этер.
Бойнуму джети джерден кессенг да, мен ол ишни этеллик тюлме.
Кечеси – аяз, кюню – къыш, джарлы къаргъагъа бир аш тюш!
Байны оноуу, джарлыгъа джарамаз.
Кёз – сюйген джерде, къол – ауругъан джерде.
Къан бла кирген, джан бла чыгъар.
Тойгъа барсанг, тоюб бар, эски тонунгу къоюб бар.
Ач уят къоймаз.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Айранны сюйген, ийнек тутар.
Агъач халкъгъа алтынды, иссиликге салкъынды.
Къонакъ хазыр болгъанлыкъгъа, къонакъбай хазыр тюлдю.
Эки ойлашыб, бир сёлешген.
Эл ауузу – элек, анга ийнаннган – халек.
Адамны сыфатына къарама, сёзюне къара.
Бичгенде ашыкъма, тикгенде ашыкъ.
Ойнай-ойнай кёз чыгъар.
Соргъан айыб тюлдю, билмеген айыбды.
Итли къонакъ джарашмаз.
Айыбны суу бла джууалмазса.
Аш кетер да бет къалыр.
Иги адам абынса да, джангылмаз.
Эри аманны, къатыны – аман.
Атадан ёксюз – бир ёксюз, анадан ёксюз – эки ёксюз.
Башда акъыл болмаса, эки аякъгъа кюч джетер.
Билим – акъылны чырагъы.
Нарт сёз – тилни бети.
Ариу – кёзге, акъыл – джюрекге.
Суугъа – таянма, джаугъа – ийнанма.
Адам боллукъ, атламындан белгили болур.
Сёз садакъдан кючлюдю.
Ёлюк кебинсиз къалмаз.
Нарт сёз къарт болмаз.
Къызбайны юйюне дери сюрсенг, батыр болур.
Рысхы – сют юсюнде кёмюк кибикди.
Уллу къазанда бишген эт, чий къалмаз.
Тюзлюк шохлукъну бегитир.
Элге къуллукъ этмеген, элге ие болмаз.
Намысы джокъну – дуниясы джокъ.

Логин:
Пароль:
	Запомнить меня на этом компьютере

Забыли свой пароль?
Регистрация