- Тойгъан джерге джети къайт.
- Кеси юйюмде мен да ханма.
- Джангыз терек къынгыр ёсер.
- Къызны минг тилер, бир алыр.
- Бермеген къол, алмайды.
- Джигер – джаннга къыйынлыкъ.
- Къартны бурнун сюрт да, оноугъа тут.
- Тойгъан джерден туугъан джер игиди.
- Чомартха хар кюн да байрамды.
- Намысы болмагъанны, сыйы болмаз.
- Тёрде – темир таякълы, къаяда – чыпчыкъ аякълы.
- Таугъа чыгъаллыкъ эсенг, тюзде къалма.
- Аллахдан тилесенг, кёб тиле.
- Джаш болсун, къыз болсун, акъылы, саны тюз болсун.
- Джаралыны джастыгъында сау ёлюр.
- Иши джокъну, сыйы джокъ.
- Тил джюрекге джол ишлейди.
- Гугурук къычырмаса да, тангны атары къалмаз.
- Туз, гырджын аша, тюзлюк бла джаша.
- Джарлы эскисин джамаса, къууаныр.
- Ач къарынны, токъ билмез
- Таш ата билмеген, башына урур.
- Миллетни бойну – базыкъ, аны бла кюрешген – джазыкъ.
- Аууз сакълагъан – джан сакълар.
- Ишни ахырын ойламай, аллын башлама.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ач уят къоймаз.
- Джолда аягъынга сакъ бол, ушакъда тилинге сакъ бол.
- Борчунг бар эсе, хурджунунга ойлаб узал.
- Кийимни бичсенг, кенг бич, тар этген къыйын тюлдю.
- Алтыннга тот къонмаз.
- Билгенни къолу къарны джандырыр.
- Ханы къызы буюгъа-буюгъа киштик болду.
- Кесинг сынамагъан затны, адамгъа буюрма.
- Тешик этген тынчды, аны джамагъан къыйынды.
- Нафысынгы айтханын этме, намысынгы айтханын эт.
- Тёрени джагъы джокъ.
- Тойгъандан сора, ашны сёкме.
- Узун джолну барсанг, бюгюн келирсе, къысха джолну барсанг, тамбла келирсе.
- Акъыллы айтыр эди, акъылсыз къоймайды.
- Зар адамны насыбы болмаз.
- Джюз элде джюз ёгюзюм болгъандан эсе, джюз джууугъум болсун.
- Тилчи бир сагъатха айлыкъ хата этер.
- Ачыу алгъа келсе, акъыл артха къалады.
- Дуния мал дунияда къалады.
- Къар – келтирди, суу – элтди.
- Ётюрюкню къуйругъу – бир тутум.
- Аман киши кеси юйюнде – къонакъ.
- Ишин билген, аны сыйын чыгъарады.
- Эл ауузу – элек, анга ийнаннган – халек.
Профиль
|
||||