- Адамны бетине къарама, адетине къара.
- Тил джюрекге джол ишлейди.
- Кёзю сокъурдан – къоркъма, кёлю сокъурдан – къоркъ.
- Къарны аманнга къазан такъдырма, къолу аманнга от джакъдырма.
- Аманнга да, игиге да оноусуз къатышма.
- Адам туугъан джеринде, ит тойгъан джеринде.
- Керек ташны ауурлугъу джокъ.
- Къарнынг ауруса, ауузунгу тый
- Акъыл неден да кючлюдю.
- Дууулдаса – бал чибин, къонса – къара чибин.
- Ата Джуртун танымагъан, атасын да танымаз.
- Кенгеш болса, уруш болмаз.
- Къууут – джелге, берне – бошха.
- Онгсузну – джакъла, тенгликни – сакъла.
- Джыгъылгъанны сырты джерден тоймаз.
- Тил – миллетни джаны.
- Суу да къайтады чыкъгъан джерине.
- Къонакъ аз олтурур, кёб сынар.
- Тамырсыз терекге таянма – джыгъылырса.
- Этек чакъмакълары баш джаргъан, сёлешген сёзлери таш джаргъан.
- Танг атмайма десе да, кюн къоярыкъ тюйюлдю.
- Джумушакъ сёз къаты таякъны сындырыр.
- Накъырданы арты керти болур.
- Кёбден умут этиб, аздан къуру къалма.
- Тай асырагъан, атха минер.
- Ариуну – ауруу кёб.
- Рысхы – насыбха къор.
- Кийим тукъум сордурур.
- Ишин билген, аны сыйын чыгъарады.
- Бичгенде ашыкъма, тикгенде ашыкъ.
- Къарнынг бла ёч алма.
- Ашда уялгъан – мухар, ишде уялгъан – хомух.
- Айраннга суу къош, телиге джол бош.
- Джашны джигитлиги сорулур, къызны джигерлиги сорулур.
- Акъыл аздырмаз, билим тоздурмаз.
- Кёб ант этген, кёб ётюрюк айтыр.
- Адеб базарда сатылмаз.
- Зар адамны насыбы болмаз.
- Ашыкъгъанны этеги бутуна чырмалыр.
- Термилгенинги табмазса, кюлгенинге тюберсе.
- Ана къойну – балагъа джандет.
- Джылар джаш, атасыны сакъалы бла ойнар.
- Зарда марда джокъ.
- Ана къолу ачытмаз.
- Тас болгъан бычакъны сабы – алтын.
- Ишге юренсин къоллары, халкъ бла болсун джоллары.
- Эм уллу байлыкъ – джан саулукъ.
- Джуртун къоругъан озар.
- Къатын байлыкъны сюер, эр саулукъну сюер.
- Къызбайны юйюне дери сюрсенг, батыр болур.
Профиль
|
|
|
|||