- Башда акъыл болмаса, эки аякъгъа кюч джетер.
- Сакъ юйюне сау барыр.
- Кимни – тили, тиши онглу, кимни – къолу, иши онглу.
- Эшекге миннген – биринчи айыб, андан джыгъылгъан – экинчи айыб.
- Халкъны юйю – туугъан джери.
- Адебсиз адам – джюгенсиз ат.
- Ёксюзню къалачы уллу кёрюнюр.
- Сабыр джетер муратха, сабырсыз къалыр уятха.
- Ёзденликни кёбю ётюрюк.
- Душманны тышы – акъ, ичи – къара.
- Джогъун бар этген, барын бал этген.
- Чёбню кёлтюрсенг, тюбюнден сёз чыгъар.
- Акъыл аздырмаз, билим тоздурмаз.
- Джарлы джети элни сёзюн этер.
- Кёзню ачылгъаны – иги, ауузну джабылгъаны – иги.
- Ёксюзню тилеги къабыл болур.
- Экеу тутушса, биреу джыгъылыр.
- Таш ата билмеген, башына урур.
- Тойгъан джерге джети къайт.
- Бети бедерден, намыс сакълама.
- Аджалсыз ёлюм болмаз.
- Шапа кёб болса, аш татымсыз болур.
- Татлы сёз – балдан татлы.
- Тойгъан джерден туугъан джер игиди.
- Тойну къарнашы – харс, джырны къарнашы – эжиу.
- Иши джокъну, сыйы джокъ.
- Аш иеси бла татлыды.
- Джырчы ёлсе, джыры къалыр.
- Билмезни кёзю кёрмез, этмезни къулагъы эшитмез.
- Тойгъан антын унутур.
- Ариу сёзде ауруу джокъ.
- Минг тенг да азды, бир джау да кёбдю.
- Ач – эснер, ат – кишнер.
- Къонакъ болсанг, ийнакъ бол.
- Тюзлюк шохлукъну бегитир.
- Арпа, будай – ащды, алтын, кюмюш а – ташды.
- Ойнай-ойнай кёз чыгъар.
- Окъугъан озар, окъумагъан тозар.
- Адамгъа аман кюн соруб келмейди.
- Адамны джюреги нени кёрюрге сюйсе, кёзю да аны кёрюрге ёч болады.
- Къумурсхала джыйылсала, пилни да джыгъадыла.
- Ачлыкъ отха секиртир.
- Биреу къой излей, биреу той излей.
- Тойгъа барсанг, тоюб бар, эски тонунгу къоюб бар.
- Ата Джуртча джер болмаз, туугъан элча эл болмаз.
- Сагъыш – къартлыкъгъа сюйюмчю.
- Намыс сатылыб алынмайды.
- Таукел тауну аудурур.
- Ач къалгъандан, кеч къалгъан къолай.
- Джерни букъусу кёкге къонмаз.
Профиль
|
easaxrov
 Эльбрусоид
Баллов: 0
Регистрация: 22.12.2018
Последний визит: 22.12.2018 16:03:45
|
|
||||||
|
|
|
||||||