- Ауузу бла къуш тута айланады.
- Аурууну келиую тынч, кетиую – къыйын.
- Ачлыкъ отха секиртир.
- Эте билген, этген этеди, эте билмеген, юретген этеди!
- Байлыкъ болгъан джерде, тынчлыкъ джокъду.
- Адам туугъан джеринде, ит тойгъан джеринде.
- Элде адам къалмаса, ит тахтагъа минер.
- Башы джабылгъан челекге, кир тюшмез.
- Ётюрюк хапар аякъ тюбю бла джюрюйдю.
- Эркиши – от, тиширыу – суу.
- Аман эсирсе, юйюн ояр.
- Тюз сёз баргъан сууну тыяр.
- Адам сёзюнден белгили.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къазанчы аман болса, къазаны къайнамаз.
- Къалгъан ишге къар джауар.
- Рысхы – сют юсюнде кёмюк кибикди.
- Кёлсюзден сёзсюз тууар.
- Ачылгъан эт джабылыр, кёрген кёз унутмаз.
- Кирсизни – саны таза, халалны – къаны таза.
- Тойгъа барсанг, тоюб бар, эски тонунгу къоюб бар.
- Хар зат кесини орнуна иги.
- Намысы джокъну – дуниясы джокъ.
- Азыкъ аз болса, эртде орун сал.
- Эр сокъур болсун, къатын тилсиз болсун.
- Халкъны джырын джырласанг, халкъ санга эжиу этер.
- Акъыл къартда, джашда тюйюлдю – башдады.
- Ачлыкъда тары гырджын халыуадан татлы.
- Гитче джилтин уллу элни джандырыр.
- Ач келгенни – тойдур, кеч келгенни – къондур.
- Сабий болмагъан джерде, мёлек болмаз.
- Хатерли къул болур.
- Чакъырылмагъан джерге барма, чакъырылгъан джерден къалма.
- Къозулугъунда тоймагъан, къойлугъунда тоймаз.
- Сютню башын джалагъан къутулур, тюбюн ичген тутулур.
- Уясында не кёрсе, учханында аны этер.
- Къатыны харакетли болса, эри къымсыз болур.
- Тели турса – той бузар.
- Ашаса, ашамаса да, бёрюню ауузу – къан.
- Джарлы эскисин джамаса, къууаныр.
- Босагъа таш юйге кирмей эди, тыбыр таш эшикге чыкъмай эди.
- Джарлы джети элни сёзюн этер.
- Ёлюр джаннга, ёкюл джокъ.
- Сакъ юйюне сау барыр.
- Баш – акъыл ючюн, акъылман – халкъ ючюн.
- Суу ичген шауданынга тюкюрме.
- Кёбге таш атма.
- Баргъанынга кёре болур келгенинг.
- Ёпкелегенни ашы татлы болады.
- Ишленмеклик адамлыкъды.
Профиль
|
|
|
|||