- Ачлыкъ отха секиртир.
- Бал чибинни ургъаны – ачы, балы – татлы.
- Мени джылытмагъан кюн, меннге тиймесин!
- Тас болгъан бычакъны сабы – алтын.
- Тёгюлген тюгел джыйылмайды.
- Ойнаб айтсанг да, эслеб айт.
- Сабийликде юретмесенг, уллу болса – тюзелмез.
- Баш – акъыл ючюн, акъылман – халкъ ючюн.
- Арбаз сайлама да, хоншу сайла.
- Ат да турмайды бир териде.
- Къарнынг ауруса, ауузунгу тый
- Илму – джашауну джолу.
- Эрине къаргъыш этген къатын, эрнин къабар.
- Сууда джау джокъ, кёб сёзде магъана джокъ.
- Дуния аламаты сен эсенг да, игиме деб айтма.
- Абынмазлыкъ аякъ джокъ, джангылмазлыкъ джаякъ джокъ.
- Джюрекден джюрекге джол барды.
- Кёбню кёрген – кёб билир.
- Кийимни бир кюнню аясанг, минг кюннге джарар.
- Оюмсуз атлагъан, аджалсыз ёлюр.
- Джюрекге ариу – кёзге да ариу.
- Байлыкъдан саулукъ ашхыды.
- Кёб джашагъан – кёб билир.
- Тилчи бир сагъатха айлыкъ хата этер.
- Ёгюзню мюйюзюнден тутадыла, адамны сёзюнден тутадыла.
- Аман киши кеси юйюнде – къонакъ.
- Элде адам къалмаса, ит тахтагъа минер.
- Кюлме джашха – келир башха.
- Келинин тута билмеген, къул этер, къызын тута билмеген, тул этер.
- Ауузу аманнга «иги», деме.
- Сагъышы джокъ – джукъучу, акъылы джокъ – къаугъачы.
- Сакъалы текени да бар, мыйыгъы киштикни да бар.
- Иги адамны бир сёзю эки болмаз.
- Дуния мал дунияда къалады.
- Джарашыу сюйген – джалынчакъ.
- Тюзню ётмеги тюзде къалса да, тас болмаз.
- Эски джаугъа ышанма.
- Иги болса, тамадама – махтау, аман болса, меннге – айыб.
- Тил – кесген бычакъ, сёз – атылгъан окъ.
- Джети тилни билген джети кишиди.
- Кёбден умут этиб, аздан къуру къалма.
- Танг атмайма десе да, кюн къоярыкъ тюйюлдю.
- Элиб деген, элге болушур.
- Телини эшигин, махтау джабар.
- Ашхы болсанг, атынг чыгъар, аман болсанг, джанынг чыгъар.
- Байны къызы баймакъ болса да, юйде къалмаз!
- Булут кёкге джарашыу, уят бетге джарашыу.
- Чакъырылмай келген къонакъ сыйланмай кетер.
- Къарнынг тойгъунчу аша да, белинг талгъынчы ишле.
- Башы джабылгъан челекге, кир тюшмез.
Профиль
|
|
|
|||