- Тыш элде солтан болгъандан эсе, кесинги элде олтан болгъан игиди!
- Тойгъа барсанг, тоюб бар, эски тонунгу къоюб бар.
- Башы ишлегенни, ауузу да ишлер.
- Акъыл сабырлыкъ берир.
- Алтыннга тот къонмаз.
- Ётюрюк хапар аякъ тюбю бла джюрюйдю.
- Алтыда кюлмеген, алтмышда кюлмез.
- Къошда джокъгъа – юлюш джокъ.
- Кёбден умут этиб, аздан къуру къалма.
- Билген билмегенни юретген адетди.
- Келгинчи, къонакъ уялыр, келгенден сора, къонакъбай уялыр.
- Юйюнг бла джау болгъандан эсе, элинг бла джау бол.
- Къарын къуру болса, джюрек уру болур.
- Къатын къылыкъсыз, эр тынчлыкъсыз.
- Байлыкъ тауусулур, билим тауусулмаз.
- Аз сёлеш, кёб ишле.
- Джаш болсун, къыз болсун, акъылы, саны тюз болсун.
- Акъылсызны джууукъгъа алма, акъыллыны кенгнге салма.
- Суу ичген шауданынга тюкюрме.
- Тай асырагъан, атха минер.
- Кенгеш болса, уруш болмаз.
- Джигер – джаннга къыйынлыкъ.
- Тил – миллетни джаны.
- Минг тенг да азды, бир джау да кёбдю.
- Бети бедерден, намыс сакълама.
- Адамны аманы адамны бети бла ойнар.
- Чёбню кёлтюрсенг, тюбюнден сёз чыгъар.
- Аурууну келиую тынч, кетиую – къыйын.
- Кёбню кёрген – кёб билир.
- Рысхы – насыбха къор.
- Адам сёзюнден белгили.
- Ариу сёз аурууунгу алыр.
- Тешик этген тынчды, аны джамагъан къыйынды.
- Бал ашаргъа сюе эсенг, чибин ургъаннга тёз.
- Джан саулукъ бермей, сан саулукъ бермезсе.
- Чыбыкълыкъда бюгюлмеген, къазыкълыкъда бюгюлмей эди.
- Мен да «сен», дейме, сен да «кесим», дейсе.
- Татлы сёз – балдан татлы.
- Джыланны къуйругъундан басарынг келсе, аны башы болгъанын унутма.
- Ата Джуртча джер болмаз, туугъан элча эл болмаз.
- Джетген къыз джерли эшекни танымаз.
- Айныгъанлы алты кюн, тогъайгъанлы тогъуз кюн.
- Ач бёрюге мекям джокъ.
- Къонагъы джокъну – шоху джокъ.
- Нёгерсизни джолу узун.
- Джылыгъа джылан илешир.
- Хантына кёре тузу, юйюне кёре къызы.
- Ата Джуртуму башы болмасам да, босагъасында ташы болайым.
- Миллетни бойну – базыкъ, аны бла кюрешген – джазыкъ.
- Джаханимни кёрмей, джандетге кёл салмазса.
Профиль
|
|
|||