- Джаш къарыу бла кючлю, къарт акъыл бла кючлю.
- Аууз сакълагъан – джан сакълар.
- Айтхан сёзюне табылгъан.
- Къонакъ хазыр болгъанлыкъгъа, къонакъбай хазыр тюлдю.
- Ётюрюкню къуйругъу – бир тутум.
- Ишни ахырын ойламай, аллын башлама.
- Биреуню тёрюнден, кесинги эшик артынг игиди.
- Ачлыкъ отха секиртир.
- Эрине къаргъыш этген къатын, эрнин къабар.
- Урама да – ёледи, сатама да – келеди.
- Хар адамгъа кеси миннген тау кибик.
- Билимсиз иш бармаз.
- Эл элде бирер малынг болгъандан эсе, бирер тенгинг болсун.
- Иги болса, тамадама – махтау, аман болса, меннге – айыб.
- Намыс болмагъан джерде, насыб болмаз.
- Эм ашхы къайын ана мамукъ бла башынгы тешер.
- Аманнга игилик этсенг, юйюнге сау бармазса.
- Аз айтсам, кёб ангылагъыз.
- Сабийликде юретмесенг, уллу болса – тюзелмез.
- Ата – баланы уясы.
- Ашхылыкъ джерде джатмайды, аманлыкъ суугъа батмайды.
- Бек ашыкъгъан меннге джетсин, дегенди аракъы.
- Джашлыкъ этмеген, башлыкъ этмез.
- Джангыз торгъай джырламаз.
- Киштикге къанат битсе, чыпчыкъ къалмаз эди.
- Акъыллы эркиши атын махтар, акъылсыз эркиши къатынын махтар.
- Шекер бла туз – бир болмаз, ушамагъан – юй болмаз.
- Аманны эки битли тону болур, бирин сеннге кийдирир, бирин кеси киер.
- Биреу ашаб къутулур, биреу джалаб тутулур.
- Окъумагъан сокъурду, сокъур ташха абыныр!
- Къонагъы джокъну – шоху джокъ.
- Ашда уялгъан – мухар, ишде уялгъан – хомух.
- Кёрмегеннге кебек – танг, битмегеннге сакъал – танг.
- Ётюрюкчюню шагъаты – къатында.
- Халкъны джырын джырласанг, халкъ санга эжиу этер.
- Тюкюрюк баш джармаз, налат кёз чыгъармаз!
- Кюн кёрмеген, кюн кёрсе, кюндюз чыракъ джандырыр.
- Зарда марда джокъ.
- Атадан ёксюз – бир ёксюз, анадан ёксюз – эки ёксюз.
- Шайтан алдады, тюзлюк къаргъады.
- Къатын къылыкъсыз, эр тынчлыкъсыз.
- Накъырданы арты керти болур.
- Баш болса, бёрк табылыр.
- Хатерли къул болур.
- Этек чакъмакълары баш джаргъан, сёлешген сёзлери таш джаргъан.
- Бюгюн дуния кибик, тамбла ахыратды.
- Биреуню къыйынлыгъы бла кесинге джол ишлеме.
- Акъыл аздырмаз, билим тоздурмаз.
- Адам къаллай бир ишленмесе, аллай бир кесин уллу кёреди.
- Этни бети бла шорпасы.
Профиль
|
|
|
|||