- Тойгъа барсанг, тоюб бар, эски тонунгу къоюб бар.
- Нарт сёз къарт болмаз.
- Ишлегенде эринме, ишде чолакъ кёрюнме.
- Эки ойлашыб, бир сёлешген.
- Биреуню тёрюнден, кесинги эшик артынг игиди.
- Адебсиз адам – джюгенсиз ат.
- Акъыллы эркиши атын махтар, акъылсыз эркиши къатынын махтар.
- Сёз сёзню айтдырыр.
- Махтаннган къыз, тойда джукълар.
- Кёбден умут этиб, аздан къуру къалма.
- Къатыны харакетли болса, эри къымсыз болур.
- Къазанда болса, чолпугъа чыгъар.
- Адам сёзге тынгыла, акъыл сёзню ангыла.
- Къыйынлы джети элге оноу этер.
- Келгинчи, къонакъ уялыр, келгенден сора, къонакъбай уялыр.
- Иги адам абынса да, джангылмаз.
- Кёзден кетген, кёлден да кетеди.
- Джарлыны тону джаз битер.
- Уллу сёзде уят джокъ.
- Ашлыкъны арба юйге келтирир, чана базаргъа элтир.
- Чомартха Тейри да борчлуду.
- Билим къая тешер.
- Адамны адамлыгъы къыйынлыкъда айгъакъланады.
- Ёгюзню мюйюзюнден тутадыла, адамны сёзюнден тутадыла.
- Байлыкъ тауусулур, билим тауусулмаз.
- Айныгъанлы алты кюн, тогъайгъанлы тогъуз кюн.
- Билимли ёлмез, билимсиз кёрмез.
- Ашын ашагъанынгы, башын да сыйла.
- Хар зат кесини орнуна иги.
- Тилчи бир сагъатха айлыкъ хата этер.
- Ётюрюк хапар аякъ тюбю бла джюрюйдю.
- Бюгюн дуния кибик, тамбла ахыратды.
- Джаханимни кёрмей, джандетге кёл салмазса.
- Арыгъан къош чамчы болур.
- Эринчекни эр алмаз, эр алса да, кёл салмаз, кёл салса да, кёб бармаз!
- Сакъалы текени да бар, мыйыгъы киштикни да бар.
- Джылыгъа джылан илешир.
- Ушамагъан – джукъмаз.
- Ата Джуртча джер болмаз, туугъан элча эл болмаз.
- Ойнай билмеген, уруб къачар.
- Тюзлюк шохлукъну бегитир.
- Азыкъ аз болса, эртде орун сал.
- Ат да турмайды бир териде.
- Къонакъ хазыр болгъанлыкъгъа, къонакъбай хазыр тюлдю.
- Кёбге таш атма.
- Рысхы – сют юсюнде кёмюк кибикди.
- Малны кют, джерни тюрт.
- Аджашхан тёгерек айланыр.
- Иги сеники эсе да, сюйген кесимикин этеме.
- Шайтан алдады, тюзлюк къаргъады.
Профиль
|
maxasxov
 Эльбрусоид
Баллов: 0
Регистрация: 16.01.2019
Последний визит: 16.01.2019 21:46:45
|
|
||||||
|
|
|
||||||