- Илму – джашауну джолу.
- Джумушакъ терекни къурт ашар.
- Билеги кючлю, бирни джыгъар, билими кючлю, мингни джыгъар.
- Къар – келтирди, суу – элтди.
- Акъыллы эркиши атын махтар, акъылсыз эркиши къатынын махтар.
- Кёб ант этген, кёб ётюрюк айтыр.
- Таукел адам тау тешер.
- Тенгни тенглиги джашай барсанг билинир.
- Джашынгы кесинг юретмесенг, джашау юретир.
- Къыз чыгъаргъан – къызыл къымжа.
- Ашхы – джыяр, аман – джояр.
- Адеби болмагъан къыз – тузсуз хант.
- Бир онгсуз адам адет чыгъарды, деб эштирик тюлсе.
- Джаханимни кёрмей, джандетге кёл салмазса.
- Экиндини кеч къылсанг, чабыб джетер ашхам.
- Терек ауса, отунчу – кёб.
- Гугурук къычырмаса да, тангны атары къалмаз.
- Билими азны – ауузунда кирит.
- Накъырданы арты керти болур.
- Ашыкъгъанны этеги бутуна чырмалыр.
- Ашхы тенг джолгъа салыр, аман тенг джолдан тайдырыр.
- Телиге от эт десенг, юйюнге от салыр.
- Шайтан алдады, тюзлюк къаргъады.
- Къартха ушагъан джаш – акъыллы, джашха ушагъан къарт – тели.
- Сангырау къулакъ эл бузар.
- Эл тойса, тоймагъан, эл къойса, къоймагъан.
- Билген билмегенни юретген адетди.
- Алтыннга тот къонмаз.
- Алим болгъандан эсе, адам болгъан къыйынды.
- Аджалсыз ёлюм болмаз.
- Болджал ишни бёрю ашар.
- Джырчы ёлсе, джыры къалыр.
- Онгсузну – джакъла, тенгликни – сакъла.
- Джарлыны эшигин махтагъан джабар.
- Нарт сёз къарт болмаз.
- Сагъыш – къартлыкъгъа сюйюмчю.
- Къая джолда джортма, ачыкъ сёзден къоркъма.
- Кёпюр салгъан кеси ётер, уру къазгъан кеси кетер.
- Биреуге кёлтюрген таягъынг, кесинги башынга урур.
- Кийимни бир кюнню аясанг, минг кюннге джарар.
- Иги адамны бир сёзю эки болмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Итли къонакъ джарашмаз.
- Байлыкъ тауусулур, билим тауусулмаз.
- Ашыкъгъан cуу, тенгизге джетмез.
- Ауругъаннга – кийик саулукъ, джетген къызгъа – чилле джаулукъ.
- Шапа кёб болса, аш татымсыз болур.
- Джетген къыз джерли эшекни танымаз.
- Ариу джол аджал келтирмез.
- Огъурлуну сёзю – суу, огъурсузну сёзю – уу.
Профиль
|
|
|||