Тюзюн айтсам, багъалы эльбрусоидчиле, ана тилибизде джазаргъа, айтыргъа, джырларгъа тансыкъ болдум) Башха тиллени билген да игиди, алай а...

АНА ТИЛИМ
?Анам? десем биринчиге,
Тохта, тохта, ?атам? десем,
Чыбыкъ атха чабыб мине,
Джюрекдегин сёзде тёксем,
Ана тилим, джангыз сенде
Табарма мен керек сёзле.

Бир джыгъылыб, ?бутум? десем,
Эсли болуб, ?Джуртум!? десем,
Кёкден джулдуз сёгюб алыб,
Джырласам да, сёзюн салыб,
Ана тилим, джангыз сенде
Табарма мен керек сёзле.

Уллу тойда алгъышымы,
Къанлы джаугъа къаргъышымы,
Харип салам бир джуртсузгъа,
Татлы сёзню да онгсузгъа,
Ана тилим, джангыз сенде
Табарма мен керек кюнде.

Цитата
Асыры озгъанлыкъгъа санамасагъыз, ма муну да теджерик эдим

Бек сюйюб окъуйма джазгъаныгъызны, сауболугъуз. Къарачайда тургъан сагъатда "бет боягъандан" бошамаек къарачай назмула окъургъа, энди джылла ёте барсала, тансыкълайбыз. Алая Кавказгъа баргъан кёзууде, излеб бизни тилде джазылгъан китабла алырлай болмайса, джазгъанланы кёбюсюн танымасанг, хо-хода деб къолунга тюшгенни алыб кетелмейсе. Кетген ыйыкъда Байрамукъланы Халиматны китабын саугъагъа бергенелле Эльбрусоидде, къарт анама, элге тюшгенча болуб турама аны окъуй. :smt006

Цитата
къарт анама, элге тюшгенча болуб турама аны окъуй.

:smt023


[b:6dca866be9]Гошаях Бийче[/b:6dca866be9], къарачайчанг, шахарчыдача болмай, бек ашхыды))

Халимат а, джандетли болсун, ичибизге сыйынмазлай, бир адам кётюрелмезлей, эникленмезлей фахму эди. Бизни миллетде андан фахмулу джангыз ана тилибиз болур...

[b:49472524e9]ДЖОЛОУЧУ[/b:49472524e9], кесигиз джазгъан назмуламыды?
Бек ариу назмула джазгъансыз, бу форумда ма бу бёлюмде джазылгъан джазуланы окъургъа бек сюйючанма, кесим джукъ джазмагъанлыкъгъа.

Энди уа сизни ана тилибизде джазгъан назмуларыгъызны окъуб, бек къуандым. Бек разыма. Былайда, башха темаладада назмуларыгъызны болгъанын окъуб, къызланы айтгъ анына менда къошулама... барында бери джыйсагъыз иги боллукъ эди...

Эндта джазыгъыз.:smt023

[b:23ceb6cc2f]Луна[/b:23ceb6cc2f], сау бол ашхы сёзюнге))))))

Хаман да къашланы тюйюб турмай, бир ышаргъан да этерми эдик)))))))


[b:d2b4afe1a6]БУЛБУЛ БЛА КЪАРГЪА[/b:d2b4afe1a6]
\Басня\
Булбул чыпчыкъ, кёкюреги тебине,
Джангы джырын джырлай эди эртденнге.
Джумушуна джортуш баргъан бир Къаргъа,
Сабыр бола, былай сорду джырчыгъа:
- Кар-р, эгечим! Не джырлайса? Не кюнден
Джарыкъ чыгъад ауазчыгъынг хар кимден?
- Бул-бул, къарнаш! Эртденнгиде джуртума
Джыр этгенме! Сюе эсенг, тынгыла...
- (О кар-кар-кар! Къаргъа кирлик юйюнге!
Не затланы гырылдайса сен меннге?)
Ишлегенден джырчы кёбдю дунияда:
Барынг уф-чуф, къарылгъачла, торгъайла...
Къой чыпчыкъ да, Африкадан келгенде,
Джырчыма деб, излей эди тегене;
Кеч къайтса да, къайтды хариб тобагъа, -
Мюлк къурады, барды неси къонаргъа.
Джырданмыды хантынг, мюлкюнг, байлыгъынг?
Бармы экен хакъынг, алгъан айлыгъынг?
- Бул-бул, къарнаш! Менлей чыпчыкъ бу джуртха
Саугъа болуб джаратылад... асыугъа.
Мени джырым ? баш насыбым, нюзюрюм!
Эштген джюрек ? хакъым, мюлкюм, хапчюгюм.
- (Хар-р мискин да, джютю къараб кёзюнге,
Не садакъа, не джакъ излейд кесине;
Бир кечинмек этелмеген башына,
Энди бу да джыр бла марайд къашыма!
Джырла, джаным, джуртну сейир хапарын;
Сен ? махтайса, мен ? кёреме хайырын!)
Ашыгъышма, гурт тауукъну тюбюнде
Тюненеден къалыб кетгенд юч неме...
Ингир эте Джут Къаланы джокъласанг,
Той боллукъду, сен да бир джукъ джырласанг...
Къонакъларым ? бары Семиз къаргъала,
Джыр сюйген да болур антым алайда.
Къуру чыкъмаз ары кирген аягъынг,
Къарнынг тояр, зауукъ этер джаягъынг! -
Деб ашыкъды, ёхтем аунай, къаргъабыз.
...Аннгамыды, ёнгнге, бизни джырыбыз:
Къачан эди къаргъа къарнаш булбулгъа?!
Булбул джыры сатылырмы гырджыннга!

Благодарность автору темы.....
Стихи на родном....
К сожалению.... Такая редкость сейчас.....
На родном.... Но редкость....
Парадоксально....

Цитата
Благодарность автору темы..... Стихи на родном.... К сожалению.... Такая редкость сейчас..... На родном.... Но редкость.... Парадоксально....

М-м-мда(((((
А за спасибо - спасибо))))) :smt002

[b:f2cf4942b8]АЧЫКЪ ТЕРЕЗЕ[/b:f2cf4942b8]

Къой, чакъырма, ачыкъ терезе,
Эшикде булджуннган къарланы!
Мен къалдым джангызлыкъ бешикде,
Сагъышла тебрете ангымы.

Сюймеклик туудургъан сезимим
/Иннети акъ къаргъа да юлгю/
Эриди, термилди, не лязим,
Къолунгда дуу джанды да, кюйдю.

Ушады ол джабыкъ эшикге,
Къонагъым къалмазлыкъ отоугъа,
Сабийни бёлетмез бешикге,
Кечени сагъайтхан тартыугъа.

Къой, чакъырма, ачыкъ терезе,
Эшикде булджуннган къарланы...

къой,чакъырма...эштиб ийнанырмы, сюймеклик кюйдюрген джюрегим?..ий,къайтыб энтда бир абынырмы,тюз атлай юренген сезимим?.....

Цитата
къой,чакъырма...эштиб ийнанырмы, сюймеклик кюйдюрген джюрегим?..ий,къайтыб энтда бир абынырмы,тюз атлай юренген сезимим?.....

Тёрт аякъда баргъан ат да
Абынады кёзюуде;
Кёзюуюне джаннган от да
Кёмюледи кюлюне;
Ёлгенни да кюню барды
Ол къобарлай саулагъа...
Антсызгъа уа, айт, не барды
Бу къышла бла джазлада?

[b:2e6a0c870c]ДЖОЛОУЧУ[/b:2e6a0c870c],
можно нескромный вопрос: откуда такое виртуозное владение родным языком: со школьной скамьи или это результат собственных усилий?

[b:4088ae8f6d]ДЖОЛОУЧУ[/b:4088ae8f6d], сууаб ды джанынга, субботагъада дери гитче сабийчикле къыйналмай азбар этерлей бир талай назмучукъ джазсагъыза бизге. Ышанама барды сёз къабчыгъынгда джангы джылгъа джараулу назмула. http://www.elbrusoid.org/phorum/index.php?action=vthread&forum=17&topic=8860

Цитата
...со школьной скамьи или это результат собственных усилий?

Х-е-х... къайдам-м-м... :smt017
Ким биледи, алай а, атам тилни керти да терен, таза биледи: бурундан хапарла неда бир таурух айтдырыб тынгыласанг, не телек, не комп керек тюлдю))) Аллахды билген, къарачайлыла тюз айта да болурла: "Къан бла кирген, джан бла чыгъады," - деб. :smt002

[quote="Гошаях бийче"][b:207936a1d2]ДЖОЛОУЧУ[/b:207936a1d2], сууаб ды джанынга, субботагъада дери гитче сабийчикле къыйналмай азбар этерлей бир талай назмучукъ джазсагъыза бизге....


[b:207936a1d2]Гошаях Бийче,[/b:207936a1d2] сен излегенча болдуму билмейме, джангыдан сабий болгъан бир къыйынды :smt005 , джаратырыкъ эсенг... (сен кёргюзген ссылкагъа уа кирелмедим???)

[b:207936a1d2]ДЖАНГЫ ДЖЫЛГЪА[/b:207936a1d2]
Къар-къар-къарчыкъла,
Къарда джаздыкъ ызчыкъла:
Джангы Джылгъа: ?Кел!?- дедик,
?Насыб, Къууанч бер!? - дедик.

Чан-чан-чанала,
Биз чыкъгъанбыз учаргъа:
Буз Акканы миндирдик,
Дыгъы этдик, кюлдюрдюк.

Буз-Буз-Буз Акка,
Учуб келед узакъда:
Бузлу тонун кийгенди,
Наз терекге келгенди.

Наз, наз, наз терек,
Андан бизге не керек:
Тайчыкъ берсин джашчыкъгъа,
Гинджилерин - къызчыкъгъа.

[b:ec7b117c29]ИНАР[/b:ec7b117c29]
Джаяу минселе да кёкге залимле;
Джерни кёмселе да кюлге алимле,
Огъай, сен ийнанма, ийнанма, сеннге
Тюбемей кетгенди нанынг, деселе.
Сёз, тил алдаса да, алдармы джюрек!
Сенсиз берилсе да, айт, неди джандет!
Сенсиз кюн тиерми джерде тюнюме,
Сенсиз не этерме аны тюбюнде!

Шамдан Кюн чыкъса да, букъса да, таб, Ай;
Къобан тохтаса да, джауса да къар джай,
Огъай, сен ийнанма, ийнанма, сеннге
Тюбемей ёлгенди нанынг, деселе.
Ёлмем, ёчюлсе да таша муратым!
Ёлмем, чорт сынса да учар къанатым!
Ашыкъма, ашыкъма ахыр ташыма, -
Мен джыр джырларыкъма аны башында!

[b:3ef5c27ef9]МОСКВА ? НАРСАНА[/b:3ef5c27ef9]
(Поездде ушакъ)

[i:3ef5c27ef9]?Нерусских в Россию лучше не пускать...?
(СГВ, ?17, 1994 г. С. Исаков).[/i:3ef5c27ef9]
1
Позд барады, сабыр чайкъала,
Ётюб орусну мыдах эллерин;
Къаргъа сюрюуле, кийик джайыла,
Сюрелле кёкде бири бирлерин.

Эрке кютюлген къайын чегетле,
Сабан ызлада ойнайды будай;
Алтын башлары кюннге тюйреле,
Ауаз береди клиса, зынгырдай.

Кече бла кюнню тохтамай барыб,
Дагъы да къара ? Россияды бу!
Келген джау кеси, джолундан арыб,
Ненча къайтханды ? Россияды бу!

2
Поезд барады бир бузмай харсын.
Эки джаныбыз ? орус къабакъла...
?Не в злате счастье? деученди халкъынг,
Сен не излейсе, кетиб узакъгъа?

Айт, не сюреди бу кенг тюзледен:
Джауунг, бушууунг, ачлыкъ, не джутлукъ?
Огъесе, безиб кеси-кесингден,
Тенгми излейсе, болурча джууукъ?

Сюйген къызынгдан сыныб, ёнгелеб,
Джангы сезимми излейсе кенгде?
Хоншунг насыбын табханын эслеб,
Аннгамы бараса андан юзерге?

Кавказ урушха келген бабангы
Салын джуртуна элтирми джолунг?
Эслеб унукъгъан, джарлы халкъланы,
Маммат боламы барады къолунг?

Къайры бараса? Бир сор кесинге.
Башха болмаз да балым, джемишим!
Сала болурму халым эсинге
Кеси халкъынгы монгол адежин...

3
Джокъду джууаб тот, семиз кёзледе,
Джокъча излем къайтыргъа тобадан.
Эртде айтханды Крылов бизлеге:
?Дайым да терсди онгсуз онглудан?.

[b:c24c75947b]ДЖОЛОУЧУ[/b:c24c75947b], саубол, къарнаш, къыйынсыз бол, Аллах разы болсун сенге. Битеу сабийлеге назму джазгъаллагъа сени юлгюге салырлай болдум. Бир кере окъугъанлай къызчыкъ эрлей азбар этди, сора джыйылгъан джерде
[b:c24c75947b]Буз Акканы миндирдик,
Дыгъы этдик, кюлдюрдюк. [/b:c24c75947b]
бир хыйля кюлюб айтды. Хар сёзюн назмуну къыйнлашмай тюз, ариу, англаб айтды.

P.S. Къалгъан сабийлеге джазгъан назмучуланы кёллери къалмасын, алая тышында ёсген сабийлеге, тиллеринден сууб къалмазлай, тынч айтылгъан назмучукъла джаза турсагъыз бек разы боллукъ эдик. Ансын бир бир джазгъанла тилни уста билгенлерин кёгюстебиз деб сабийлеге джазгъанларын унутуб къоялла. :smt121

[b:56c2fd8847]Гошаях Бийче, ашхы сёзюнге да сау бол))[/b:56c2fd8847] :smt004

[b:48c6290f78]ОСИЯТ [/b:48c6290f78]
Ёлюб кетсем сенден алгъа,
Ауушдурсам дунияланы,
Кел демейме къабырыма,
Тилемейме сенден аны.

Унутсала джерде мени,
Сени кемсиз сюйгеними,
Шо, кюзгюде кёзлеринги
Кёзлеуюнде изле мени.

Джангызлыкъдан кеченг юрксе,
Тёксе тёзюм джыламукъла,
Эртден чыкъда мени изле,
Изле джойгъан джылларынгда.

Ишде, тюшде нёгерликге
Керек болса билек не дженг,
Сабийлени кёзлеринде
Изле мени ? андама мен.

Менсиз къалсанг, шо, алагъа
Менсизликни сынатма сен.
Джакъсыз болсанг, мени джокъла:
Джырларымда ? ата бла тенг.

Джай терекни салкъынында
Сен алагъа айтыб юрет:
Гитчеликден танысынла
Не болгъанын намыс, адет.

Ёлюб кетсем сенден алгъа,
Зибил болса джерни ханты,
Бёленме шош, мыдах джолгъа ?
Ёлмей шойду эрни анты.

...Унутсала джерде мени,
Сени кемсиз сюйгеними,
Шо, кюзгюде кёзлеринги
Кёзлеуюнде изле мени.

[b:e9bf2cb84f]ТЮШЛЕРИМ[/b:e9bf2cb84f]
Энтда келгенсе кече тюшюме,
Джылы къарамынг бла сылай ёзюмю;
Бир бек сукъландым кеси-кесиме,
Сени бла къаллыкъча джюз-минг ёмюрню.

Джесир тюшюме бирден кёмюле,
Сезим аязны биз кирдик къойнуна:
Насыб бла джарсыу, тёлеу тёлете,
Айт, не заманны бир-бирсиз къойдула!

Джылы сезимим уюб джюрекде,
Люу-люу эте да кёкде мёлекле,
Учуб кечеден сени тюшюнге,
Келгенме таша, тахса бла сеннге.

Эртден намазын унутханча, джарсыб,
Сюреди мени ызымдан бир насыб:
Тюнкеси юзюлген умутум а, эсней,
Къара кезлигин турады билей.

[b:6c48078408]БИЛЕ ЭСЕНГ, АЙТ[/b:6c48078408]
Джан тууса ? хауаны,
Джыласа ? ананы
Нек излейди, билемисе сен?
Кюн тийсе ? кечени,
Кечеде ? джилтинни
Нек излейбиз, билемисе сен?
Бу сейир дуния
Аламны къойнунда,
Айт, къалай къуралгъанды былай?
Джол умут туудура,
Узакъгъа чакъыра,
Айт, неден башланады джыл, ай?

Тенг тенглик туталса,
Джау дертин джуталса,
Нек келеди джерге мамырлыкъ?
Къол кёзге узалса,
Джан джанны тонаса,
Нек кюеди кёлде сабырлыкъ?
Сюймеклик абынса,
Джолундан арыса,
Айт, ким, неди аны дарманы?
Ёледжек джут маске,
Тюеге да минсе,
Нек къабады ол бир джарлыны?

Сёз джырны туудурса,
Джан, къызыб, учунса,
Нек боладыла сай тенгизле?
Ачыса балагъынг,
Бек тутса талагъынг,
Айт, нечикбиз былай кемсизле?
Джаз гюлге къууансанг,
Къыш къарда ойнасанг,
Айт, кимгеди табу махтаула?
Дуниядан тюнгюлсенг,
Намазгъа ийилсенг,
Не береди асыу джанынга?

[b:212fe61b34]ДЖАНГЫ КЮРЕК[/b:212fe61b34]
Сууукъ отоу. Сууукъ ашым.
Менсиз келиб кетген къачым.
Къабыргъада сёнгнген чыракъ,
Джаным кибик, джанады сакъ.
Джангы кюрек, ол, къакъмай тер,
Тангсыз, тынгсыз къазады кёр.

[b:fa3e039e23]ДЖАУ ДЖИБ[/b:fa3e039e23]
Джау джибден къолла тайыб,
Джер кетди да ташайыб
Джашауну багушуна ?
Бир сагъай тауушума!
Тау-у-шу-ма-а-а!
[i:fa3e039e23]Эй-хей-хей, сокъур патчах,
Баш ? джибек, тюбде ? чачакъ,
Кёл ? къызбай да, къол ? гуду.
Бир тюбсюздю хурджуну![/i:fa3e039e23]

Кюн ? исси, кече ? арыб.
Джюрекни эки джарыб,
Минг джута да антынгы
Бошадынгмы халкъымы!
О хал-къы-мы-ы-ы!
[i:fa3e039e23]Эй-хей-хей, сокъур патчах,
Баш ? джибек, тюбде ? чачакъ,
Кёл ? къызбай да, къол ? гуду.
Бир тюбсюздю хурджуну![/i:fa3e039e23]

Къыш келсе - джазны сакъла;
Джау кирсе - Джуртну джакъла;
Бу сатлыкъгъа не этгин,
Джау джибден къалай ётгюн?
Къа-лай ёт-гю-ю-юн?
[i:fa3e039e23]Эй-хей-хей, сокъур патчах,
Баш ? джибек, тюбде ? чачакъ,
Кёл ? къызбай да, къол ? гуду.
Бир тюбсюздю хурджуну![/i:fa3e039e23]

[b:92ad3ab36b]КЪАЧХЫНЧЫ[/b:92ad3ab36b]
Джюрек толуб джангызлыкъдан,
Кёк бла джерден, джарсыуладан,
Кеси-кесин джолда сюре,
Барад кетиб ахыр кере.

Ахыр кере ачыу сынай,
Бёрю кибик, кесин джалай,
Сезимлерин къоюб бизге,
Барад кетиб, къолун силке.

Къолун силкиб сеннге, меннге,
Умутуна, ёмюрлеге,
Салмай кетди джерге сылтау,
Табмай бизден асыу не дау.

Асыу не дау джетмез аны,
Бизни ючюн къызмаз къаны.
Кеси-кесин джолда сюре,
Кетди бизден ахыр кере.

[b:2f832cd928]Джангы Джыл бла![/b:2f832cd928]
Аллах бютеу къарачай-малкъар халкъгъа иман саулукъ, сан саулукъ, насыб, оюмлулукъ, мелхум джашау берсин!
Джерни башындан думп болуб кетген миллетлеге къошулмай, ашхылагъа, игилеге, онглулагъа нёгер болайыкъ!
[b:2f832cd928]Эндиги бу заманнга да къууанч бла эсенликде джетейик! Амин![/b:2f832cd928]

[b:d9c5e0542f]ДЖОЛОУЧУ[/b:d9c5e0542f], :smt023 :smt023 :smt038

[b:e9f54029ef]дейдре[/b:e9f54029ef], стараюсь)) :smt024

[b:3b04aa2c32]ДЖАУ ДЖИБ[/b:3b04aa2c32]
:smt129 :smt129 :smt129
это нужно переложить на какой-нибудь нац.мотив и сделать народной песней...)))))))))))))Злободневно, а главное, актуально почти на все времена...))))))))))))))

Цитата

[b:bcecb6f039]БИЛЕ ЭСЕНГ, АЙТ[/b:bcecb6f039] Джан тууса ? хауаны, Джыласа ? ананы Нек излейди, билемисе сен? Кюн тийсе ? кечени, Кечеде ? джилтинни Нек излейбиз, билемисе сен? Бу сейир дуния Аламны къойнунда, Айт, къалай къуралгъанды былай? Джол умут туудура, Узакъгъа чакъыра, Айт, неден башланады джыл, ай? Тенг тенглик туталса, Джау дертин джуталса, Нек келеди джерге мамырлыкъ? Къол кёзге узалса, Джан джанны тонаса, Нек кюеди кёлде сабырлыкъ? Сюймеклик абынса, Джолундан арыса, Айт, ким, неди аны дарманы? Ёледжек джут маске, Тюеге да минсе, Нек къабады ол бир джарлыны? Сёз джырны туудурса, Джан, къызыб, учунса, Нек боладыла сай тенгизле? Ачыса балагъынг, Бек тутса талагъынг, Айт, нечикбиз былай кемсизле? Джаз гюлге къууансанг, Къыш къарда ойнасанг, Айт, кимгеди табу махтаула? Дуниядан тюнгюлсенг, Намазгъа ийилсенг, Не береди асыу джанынга?

:smt017 къалай кёб сагъышла къозгъадынг.... бирда бек джаратдым!!! Аллах барыбызгъада табдырсын джуабла ма бу сорууларыбызгъа.... :smt006

[b:514eae5f38]Айшат, Амин![/b:514eae5f38]