- Ариу сёз – джаннга азыкъ, аман сёз – башха къазыкъ.
- Аман къатын алгъан, арыр, иги къатын алгъан джарыр.
- Чёбню кёлтюрсенг, тюбюнден сёз чыгъар.
- Мухар, кеси тойса да, кёзю тоймаз.
- Узун джолну барсанг, бюгюн келирсе, къысха джолну барсанг, тамбла келирсе.
- Ауругъан – джашаудан умутчу.
- Билгенни къолу къарны джандырыр.
- Бал чибинни ургъаны – ачы, балы – татлы.
- Ауузу бла къуш тута айланады.
- Джол бла сёзню къыйыры джокъ.
- Ашыкъгъан cуу, тенгизге джетмез.
- Тюзню ётмеги тюзде къалса да, тас болмаз.
- Иги болса, тамадама – махтау, аман болса, меннге – айыб.
- Къар – келтирди, суу – элтди.
- Урунуу – насыбны анасы.
- Уллу атлама – абынырса, уллу къабма – къарылырса.
- Аманны къуугъан, аманлыкъ табар.
- Джарлыны эшигин махтагъан джабар.
- Айырылгъанланы айю ашар, бёлюннгенлени бёрю ашар.
- Кёзден кетген, кёлден да кетеди.
- Сёлеш деб шай берген, тохта деб, сом берген.
- Эки къатын алгъан – эки ташны ортасына башын салгъан.
- Эринчекни аурууу – кёб.
- Эки къатын алгъанны къулагъы тынгнгаймаз.
- Келлик заман – къартлыкъ келтирир, кетген заман – джашлыкъ ёлтюрюр.
- Кирсизни – саны таза, халалны – къаны таза.
- Азыкъ аз болса, эртде орун сал.
- Акъыл аздырмаз, билим тоздурмаз.
- Ёлюк кебинсиз къалмаз.
- Ишни ахырын ойламай, аллын башлама.
- Эки итни арасына сюек атма, эки адамны арасында сёз чыгъарма.
- Ач, тоймам, дейди, тойгъан, ач болмам, дейди.
- Нафысынгы айтханын этме, намысынгы айтханын эт.
- Намыс болмагъан джерде, насыб болмаз.
- Адам къаллай бир ишленмесе, аллай бир кесин уллу кёреди.
- Окъугъан озар, окъумагъан тозар.
- Кесине оноу эте билмеген, халкъына да эте билмез.
- Чомартха хар кюн да байрамды.
- Дженгил джетерикме деб, узун джолну къоюб, къысхасын барма.
- Къарыусузгъа кюлме, онгсузгъа тийме.
- Джашлыкъ этмеген, башлыкъ этмез.
- Кёзю сокъурдан – къоркъма, кёлю сокъурдан – къоркъ.
- Сангырау къулакъ эл бузар.
- Ойнаб айтсанг да, эслеб айт.
- Келинин тута билмеген, къул этер, къызын тута билмеген, тул этер.
- Таугъа чыгъаллыкъ эсенг, тюзде къалма.
- «Ёгюз, джаргъа джууукъ барма, меннге джюк боллукъса», - дегенди эшек.
- Окъумагъан сокъурду, сокъур ташха абыныр!
- Билим ат болуб да чабар, къуш болуб да учар.
- Киштикге къанат битсе, чыпчыкъ къалмаз эди.
