Аудио :: Аудио:: «Эртде-Эртде…»

Ашлыкъны арба юйге келтирир, чана базаргъа элтир.
Джаным-тиним – окъуу, билим.
Акъыл аздырмаз, билим тоздурмаз.
Тюзню ётмеги тюзде къалса да, тас болмаз.
Къралынгы – душмандан, башынгы от бла суудан сакъла.
Алим болгъандан эсе, адам болгъан къыйынды.
Эркишиге тары кебек танг кёрюнюр.
Элни кючю – эмеген.
Адам туугъан джеринде, ит тойгъан джеринде.
Адеб джокъда, намыс джокъ.
Арыгъан къош чамчы болур.
Кюн кёрмеген, кюн кёрсе, кюндюз чыракъ джандырыр.
Чомартха Тейри да борчлуду.
Ашхы адам – халкъ байлыгъы, ашхы джер – джашау байлыгъы.
Тенгинг джокъ эсе – изле, бар эсе – сакъла!
Ауузу бла къуш тута айланады.
Кёбден умут этиб, аздан къуру къалма.
Эринчекге кюн узун.
Тилчи бир сагъатха айлыкъ хата этер.
Орундукъ тюбюнде атылсам да, орта джиликме, де да айлан.
Ариу сёз джыланны орнундан чыгъарыр.
Эртде тургъан джылкъычыны эркек аты тай табар.
Суу ичген шауданынга тюкюрме.
Ётюрюкчюню шагъаты – къатында.
Бети къызарыучу адамны, джюреги харам болмаз.
Иги бла джюрюсенг, джетерсе муратынга, аман бла джюрюсенг, къалырса уятха.
Хансыз джомакъ болмаз.
Аман хансны – урлугъу кёб.
Аш берме да, къаш бер.
Къарнынг тойгъунчу аша да, белинг талгъынчы ишле.
Тулпарлыкъ, билекден тюл – джюрекден.
Ауузу аманнга «иги», деме.
Тойгъанлыкъ къойгъа джарашады.
Кёб джашагъан – кёб билир.
Бир онгсуз адам адет чыгъарды, деб эштирик тюлсе.
Керилген да, ургъан кибикди.
Ушамагъан – джукъмаз.
Ичимден чыкъды хата, къайры барайым сата?
Бюгюн дуния кибик, тамбла ахыратды.
Чакъырылмагъан къонакъ – орунсуз.
Тилчи тилден къаныкъмаз.
Мураты болгъанны джюрек тебюую башхады.
Эл ауузу – элек, анга ийнаннган – халек.
Биреуге аманлыкъ этиб, кесинге игилик табмазса.
Сёз садакъдан кючлюдю.
Джашынгы кесинг юретмесенг, джашау юретир.
Къонакъны къачан кетерин сорма, къачан келлигин сор.
Къонакъ аз олтурур, кёб сынар.
Джарлыны эшигин махтагъан джабар.
Бастасын ашагъан, хантусун да ичер.

Логин:	Регистрация

Пароль:	Забыли пароль?

Запомнить меня

Аудио

«Эртде-Эртде…»

Скачать

Адрес