Навигация

Elbrusoid.org

Словарь

Рысхы – насыбха къор.
Ёлмесенг да, къарт дамы болмазса?
Ач да бол, токъ да бол – намысынга бек бол.
Кёб джат да, бек чаб.
Ишге юренсин къоллары, халкъ бла болсун джоллары.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Джогъун бар этген, барын бал этген.
Иги – алгъыш этер, аман – къаргъыш этер.
Бек ашыкъгъан меннге джетсин, дегенди аракъы.
Джолунга кёре – джюрюшюнг, джагъанга кёре – юлюшюнг.
Аш кетер да бет къалыр.
Адам сёзге тынгыла, акъыл сёзню ангыла.
Биреуню къыйынлыгъы бла кесинге джол ишлеме.
Адам къаллай бир ишленмесе, аллай бир кесин уллу кёреди.
Къонакъ аз олтурур, кёб сынар.
Кесинге джетмегенни, кёб сёлешме.
Элде адам къалмаса, ит тахтагъа минер.
Аманны эки битли тону болур, бирин сеннге кийдирир, бирин кеси киер.
Ач къалгъандан, кеч къалгъан къолай.
Айтылгъан буйрукъ, сёгюлмез
Ана къойну – балагъа джандет.
Къазанда болса, чолпугъа чыгъар.
Къызбайны юйюне дери сюрсенг, батыр болур.
Ариу джол аджал келтирмез.
Къыз келсе, джумуш эте келеди, къатын келсе, ушакъ эте келеди.
Накъырда – кертини келечиси.
Ашда уялгъан – мухар, ишде уялгъан – хомух.
Тенгинг джокъ эсе – изле, бар эсе – сакъла!
Кёзню ачылгъаны – иги, ауузну джабылгъаны – иги.
«Ма», - дегенни билмесенг, «бер», - дегенни билмезсе.
Дуния мал дунияда къалады.
Адебсиз адам – джюгенсиз ат.
Эллинг бла джау болсанг да, юйюнг бла джау болма.
Иши джокъну, сыйы джокъ.
Юреннген ауруу къалмаз.
Махтаннган къыз, тойда джукълар.
Къуру гыбыт бек дыгъырдар.
Окъуусуз билим – джокъ, билимсиз кюнюнг – джокъ.
Сакъ юйюне сау барыр.
Ашхы сёз таш тешер.
Иги адам абынса да, джангылмаз.
Акъыллы башны – тили къысха.
Ёксюзню къалачы уллу кёрюнюр.
Телиге акъыл салгъандан эсе, ёлгеннге джан салырса.
Тиширыусуз юй – отсуз от джагъа.
Ёлюк кебинсиз къалмаз.
Иги бла джюрюсенг, джетерсе муратынга, аман бла джюрюсенг, къалырса уятха.
Акъылсызны джууукъгъа алма, акъыллыны кенгнге салма.
Окъугъан – асыу, окъумагъан – джарсыу.
Окъугъан озар, окъумагъан тозар.